Carney hyggst boða til skyndikosninga
Setja bókamerki
Mark Carney, nýr forsætisráðherra Kanada, er sagður ætla rjúfa þing og boða til skyndikosninga 28. apríl, en kosningar eiga ekki að fara fram fyrr en í haust.
Þetta herma heimildir AFP-fréttastofunnar.
„Á sunnudaginn er gert ráð fyrir því að forsætisráðherra tilkynni um kosningar 28. apríl,“ sagði heimildarmaður AFP.
Carney tók við embætti forsætisráðherra 14. mars í kjölfar þess að hann var kjörinn formaður Frjálslynda flokksins eftir að Justin Trudeau hafði hrökklast frá völdum.
Frjálslyndir taka forystuna
Í marga mánuði hefur Íhaldsflokkurinn undir forystu Pierre Poilievre farið með himinskautum í skoðanakönnunum en í kjölfar þess að Donald Trump Bandaríkjaforseti fór í hart við Kanada hefur Frjálslyndi flokkurinn verið að ná styrk sínum aftur.
Samkvæmt CBS er Frjálslyndi flokkurinn að mælast með 37,7% stuðning og Íhaldsflokkurinn 37,4% stuðning. Frjálslyndir hafa verið við stjórnvölinn síðan árið 2015.
Nýir demókratar (NDP) mælast með 11,5% stuðning en flokkurinn ver ríkisstjórn Frjálslyndra vantrausti.
Gætum séð fjölgun ferðamanna frá Evrópu
Ræddu um mögulega eignaraðild á kjarnorkuveri
/frimg/1/55/55/1555559.jpg)
Stefán Blackburn nýlega á Hrauninu með batahópi
„Ef þú vilt ekki deyja, þá verðurðu að læra að lifa“
„Þetta er risasigur“
Foreldrar í Breiðholti taka málin í sínar hendur
Staðan verri en þegar lægsta punktinum var náð