Augljós brestur á skipulagi

Rafmagnsleysið sem leiddi til lokunar Heathrow-flugvallar í London var vegna skipulagsmistaka af hálfu flugvallarins.

Þetta segir Willie Walsh, yfirmaður Alþjóðasamtaka flugfélaga, á X.

Frétt af mbl.is

Heathrow-flugvöllur lokaður út daginn

Virðist treysta á einn orkugjafa

Furðar hann sig á því að flugvöllurinn virðist aðeins treysta á einn orkugjafa án varakosts og segir að ef svo er raunin þá sé um augljósan brest á skipulagi að ræða. 

Flugvöllurinn, sem er sá fjölfarnasti í Bretlandi og Evrópu, verður lokaður í allan dag eftir að eldur sem braust út á orkustöð skammt frá vellinum olli rafmagnsleysi.

Flugmálayfirvöld eiga von á því að lokunin valdi miklum truflunum næstu daga. Mun lokunin bitna á hundruðum flugferða og þúsundum farþega.

• Blogga um frétt