Gatwick-flugvöllur hleypur undir bagga

Gatwick-flugvöllurinn á Englandi hyggst taka á móti hluta af þeim flugvélum sem áttu að lenda á Heathrow-flugvelli sem nú er lokaður.

Eldur kviknaði í tengivirki skammt frá Heathrow og olli rafmagnsleysi.

120 flugvélar höfðu þegar tekið á loft og stefndu í átt að Heathrow þegar flugvöllurinn tilkynnti lokunina. Sam­kvæmt vefsíðunni Flig­htRa­dar24 mun lok­un­in hafa áhrif á minnst 1.351 flug­ferð til og frá flug­vell­in­um.

Tveimur flugferðum frá Keflavíkurflugvelli til Heathrow hefur verið aflýst.

Frétt af mbl.is

Heathrow-flugvöllur lokaður út daginn

Meðvituð um stöðuna

Heathrow- og Gatwick-flugvellirnir eru báðir í grennd við Lundúnir, höfuðborg Englands.

„Við erum meðvituð um stöðuna á Heathrow-flugvellinum í dag og erum að veita þann stuðning sem nauðsynlegur er,“ segir í tísti flugvallarins.

Þá kemur fram að starfsemi Gatwick-flugvallar haldist óbreytt í dag.

• Blogga um frétt