Tugir særðir eftir árás Rússa
Setja bókamerki
Tengdar fréttir
Úkraína
Volodimír Selenskí Úkraínuforseti segir nærri 90 manns særða, þar á meðal sautján börn, eftir árás Rússa á úkraínsku borgina Súmí í dag.
Árásin var gerð á meðan viðræður um vopnahlé í Úkraínu, á milli Rússa og Bandaríkjamanna, stóðu yfir.
Að sögn úkraínskra embættismanna varð tjón á íbúðarhúsum og skóla í árásinni.
Borgarstjóri Súmí segir einnig skemmdir hafa orðið á sjúkrahúsi.
Nemendur í skýli
Selenskí segir að nemendur skólans sem varð fyrir tjóni hafi sem betur fer verið í skýli á meðan árásin gekk yfir.
Myndskeið sem birst hafa á netinu sýna skemmd húsnæði og mikinn reyk í rústum. Þá má einnig sjá viðbragðsaðila að störfum.
Ræddu um frið í dag
Í dag funduðu fulltrúar Rússa og Bandaríkjanna í Sádi-Arabíu um frið í innrásarstríði Rússa í Úkraínu.
Viðræðurnar enduðu nýlega og er búist við að sameiginleg yfirlýsing frá þjóðunum verði birt á morgun. Sérfræðingum þykir vopnahlé ólíklegt.
Tengdar fréttir
Úkraína
„Eitthvað sem gerðist árið 2023“
„Það er enginn að reyna að koma sér undan því“
SFS fari offari í dómsdagsspám
Árásarmál á Vopnafirði: Beðið eftir niðurstöðu í sakhæfismati
„Það er sannanlega rangt“
Grefur undan stöðugleika og samkeppnishæfni
Hafa rænt fleiri en tuttugu þúsund börnum
Gagnrýnir seinagang borgarinnar