Óskarsverðlaunaleikstjóri kominn í leitirnar

Hamdan Ballal, palestínski leikstjóri Óskarsverðlaunamyndarinnar No Other Land, er kominn í leitirnar eftir að hann var numinn á brott af ísraelskum hermönnum í gær. 

Samstarfsmaður Ballal, Basel Adra, greinir frá þessu í færslu á X.

Meðleikstjóri Ballal, Yuval Abraham, birti færslu á X í gær þar sem hann sagði að ísraelskir hermenn hefðu ráðist á Ballal í þorpinu Susiya á Vesturbakkanum í gær og numið hann á brott í kjölfarið.

Frétt af mbl.is

Óskarsverðlaunaleikstjóra saknað

Myndin fjallar um eyðilegginguna á Gasa

Samkvæmt ísraelska hernum var Ballal handtekinn fyrir að hafa kastað grjóti í átt að ísraelskum borgurum.

Þrjár vikur eru síðan No Other Land vann Óskarsverðlaun sem besta heimildamyndin en þar er vakin athygli á eyðileggingunni á Gasasvæðinu. 

Ítar­lega er fjallað um mynd­ina á menn­ing­arsíðum Morg­un­blaðsins í dag en þar ræðir blaðamaður við tón­skáld henn­ar, Ju­lius Pollux Rot­hla­end­er. Mynd­in verður sýnd í Bíó Para­dís und­ir lok mánaðar.

• Blogga um frétt