Donald Trump, forseti Bandaríkjanna, gerði lítið úr áhyggjum fólks af því að háttsettir bandarískir embættismenn hefðu sent skilaboð í hópspjalli um áætlanir um árásir á Húta-uppreisnarmenn í Jemen, en fyrir mistök var blaðamaður tengdur inn í spjallið.

Trump, sem tók við sem forseti í janúar, sagði í símtali við NBC-fréttastöðina að þetta væri „eini feillinn á tveimur mánuðum, og að þetta reyndist ekki vera alvarlegt.“

Trump bætti við að þjóðaröryggisráðgjafinn Michael Waltz hefði „lært sína lexíu.“

Eins og mbl.is greindi frá í gær þá var bandaríska blaðamanninum Jeffrey Goldberg fyrir mistök bætt í hópspjall á smáforritinu Signal þar sem æðstu embættismenn Bandaríkjanna ræddu fyrirhugaðar árásir Bandaríkjanna á Húta í Jemen.

Árásirnar voru gerðar 15. mars en Goldberg, sem er ritstjóri hjá tímaritinu Atlantic, var bætt inn í spjallið tveimur dögum fyrr.

Frétt af mbl.is

„Þið hljótið að vera að grínast í mér“

Tengdar fréttir

Donald Trump Bandaríkjaforseti

„Fordæmalaus“ heimsókn

• Varaforsetinn ætlar með í heimsókn til Grænlands
• „Þið hljótið að vera að grínast í mér“
• Segir yfirvofandi heimsókn af vinalegum toga
• Sakar Bandaríkin um afskiptasemi

» Fleiri tengdar fréttir

• Blogga um frétt