Vladimír Pútín Rússlandsforseti er sagður hafa gefið það í skyn að Donald Trump Bandaríkjaforseti ásælist jafnvel Ísland líkt og hann ásælist Grænland í ræðu sem Pútín hélt á Norðurslóðaráðstefnu í Murmansk.

Í ræðunni er Pútín sagður hafa varið mestum tíma í að fara yfir áhuga Trump á að yfirtaka Grænland en Ísland ber einnig á góma.

Þetta kemur fram í frétt Daily Mail um málið. Segir þar að Pútín hafi orð á því að við fyrstu sýn megi ætla að áhugi Trumps á Grænlandi sé nýr af nálinni, en segir hann að Bandaríkjamenn hafi haft áhuga á eyjunni allt frá 1860 og eigi málið sér því ríkar sögulegar rætur. Nefnir Pútín einnig Ísland á nafn og segir að Bandaríkjamenn hafi á 19. öld haft áhuga á því að innlima Ísland líkt og Grænland í heimsveldið. Þau áform hafi hins vegar ekki hlotið náð hjá þinginu á þeim tíma. 

Björn Bjarnason vakti athygli á málinu. mbl.is/Kristinn Ingvarsson

Kynni einnig að ásælast Ísland 

Björn Bjarnason, fyrrum ráðherra og skríbent um utanríkismál vekur athygli á málinu á vefsvæði sínu bjorn.is. 

„Hann vék að áformum Trumps gagnvart Grænlandi. Pútín nefndi Ísland til sögunnar, Trump kynni einnig að ásælast það,“ segir Björn á vefsvæði sínu. 

Tengdar fréttir

Donald Trump Bandaríkjaforseti

Ítrekar áhuga sinn á þriðja kjörtímabilinu

• „Óútreiknanleikinn hefur aldrei verið meiri“
• Trump: Rekur ekki fólk „vegna falsfrétta eða nornaveiða“
• Heimsækir Grænland til að tryggja samheldni
• „Allt við þessa heimsókn var óviðeigandi“

» Fleiri tengdar fréttir

• Blogga um frétt