Björguðu konu á lífi 30 tímum eftir skjálftann

Björgunarsveitarmenn fundu fyrr í dag konu á lífi í rústum Sky Villa Condominium, fjölbýlishúss í Mandalay, 30 klukkustundum eftir að öflugur jarðskjálfti að stærð 7,7 reið yfir Mjanmar.

Hinni þrítugu Phyu Lay Khaing, var bjargað úr rústunum og hún borin á börum að eiginmanni sínum, Ye Aung, sem beið með viðbragðsaðilum og fylgdi henni á sjúkrahús.

Sky Villa Condom­ini­um er meðal þeirra bygginga sem urðu verst úti í skjálft­an­um, sem mæld­ist 7,7 að stærð. Á fimmta tug hefur verið bjargað en talið er að allt að 90 manns geti verið fastir undir rústunum.

Yfir 1.000 manns hafa lát­ist í kjöl­far skjálft­ans en fjar­skiptainnviðir eru illa farnir og raun­veru­legt um­fang ham­far­anna er rétt að byrja að koma í ljós.

Þetta er stærsti skjálfti sem riðið hefur yfir landið í ára­tugi og Mandalay, sem er næst­stærsta borg­in með rúm­lega 1,7 millj­ón­ir íbúa, hef­ur orðið illa úti.