Yfir 90 manns líklega fastir undir brakinu

Fleiri en 90 manns eru líklega fastir undir leifum fjölbýlishúss í borginni Mandalay í Mjanmar sem eyðilagðist í jarðskjálfta, að sögn talsmanns Rauða krossins. Tólf hæða byggingin Sky Villa Condominium er meðal þeirra sem urðu verst úti í skjálftanum, sem mældist 7,7 að stærð.

„Níu manns eru látnir og 44 hefur verið bjargað lifandi,“ sagði talsmaður Rauða krossins við blaðamann AFP.

„Fleiri en 90 manns gætu verið inni. Við erum enn að safna gögnum þar sem fólk heldur áfram að tilkynna okkur að það sé að leita að týndu fjölskyldumeðlimum sínum.“

Björgunarsveitarmaður gengur yfir rústirnar þar sem unnið er að björgun fastra íbúa í eyðilagðri byggingu Sky Villa Condominium í Mandalay, degi eftir að jarðskjálfti reið yfir miðhluta Mjanmar. AFP/Sai Aung Main

Frétt af mbl.is

Skjálfti upp á 7,7 reið yfir Mjan­mar

Raunverulegt umfang rétt farið að koma í ljós

Yfir 1.000 manns hafa látist í kjölfar skjálftans en fjarskipti eru illa farin og raunverulegt umfang hamfaranna er rétt að byrja að koma í ljós.

Þetta er stærsti skjálfti landsins í áratugi og Mandalay, sem er næststærsta borgin með rúmlega 1,7 milljónir íbúa, hefur orðið illa úti.

12 hæðir Sky Villa Condo hrundu niður í sex vegna skjálftans, sprungnir pastelgrænir veggir efri hæða sátu á muldum leifum neðri hæðanna.

Viðbragðsaðilar reyna að búa til útgönguleið í gegnum rústirnar. AFP/Sai Aung Main

Björgunarsveitarmenn klöngruðu yfir rústirnar og fjarlægðu rústir og brak af vandvirkni með höndunum þegar þeir reyndu að búa til útgönguleiðir fyrir þá sem voru inni.

Björgunarsveitarmaður horfir yfir rústirnar, á meðan unnið er að því að bjarga fólkinu sem fast er undir rústum byggingarinnar. AFP/Sai Aung Main

• Blogga um frétt