Apple sektað um 21 milljarð

Frönsk sam­keppn­is­yf­ir­völd hafa sektað banda­ríska tæknifyr­ir­tækið Apple um 150 millj­ón­ir evra, eða sem nem­ur 21 millj­arði kr., vegna brota á per­sónu­vernd­ar­lög­um en málið teng­ist hug­búnaði Apple sem safn­ar sam­an gögn­um um not­end­ur í þeim for­rit­um, eða öpp­um, sem þeir nota. Aðrir hafa einnig verið sektaðir í tengsl­um við málið. 

Frönsk yf­ir­völd segja að aðferðin sem Apple not­ar til að inn­leiða App Track­ing Tran­sparency-hug­búnaðinn (ATT) sé „hvorki nauðsyn­leg né í réttu hlut­falli við yf­ir­lýst mark­mið fyr­ir­tæk­is­ins um vernd­un á gögn­um not­enda“.

Auk sekt­ar­inn­ar þarf Apple að birta ákvörðun sam­keppn­is­yf­ir­valda á vefsíðu sinni í sjö daga.

Svipaðar rann­sókn­ir í öðrum lönd­um

Yf­ir­völd í Þýskalandi, Ítal­íu, Rúm­en­íu og Póllandi hafa hafið svipaðar rann­sókn­ir á ATT, sem Apple aug­lýs­ir sem sér­staka per­sónu­vernd­ar­ráðstöf­un.

Þessi eig­in­leiki, sem Apple kynnti árið 2021, krefst þess að for­rit hljóti samþykki not­anda í gegn­um spretti­glugga áður en þau rekja virkni þeirra í öðrum for­rit­um og vefsíðum.

Hafni not­end­ur þessu þá miss­ir for­ritið aðgang að aug­lýs­inga­auðkenni not­and­ans sem opn­ar á mögu­leika á sér­sniðum aug­lýs­ing­um (e. ad tar­get­ing).

Hygla eig­in þjón­ustu á kostnað annarra

Ýmsir hafa sakað Apple um að nota kerfið til að kynna sína eig­in aug­lýs­ingaþjón­ustu á sama tíma og sam­keppn­isaðilar sjá­ist í minna mæli í tækj­um Apple.

Í ákvörðun sinni sagði franska sam­keppnis­eft­ir­litið að ATT-eig­in­leik­inn leiddi til óhóf­lega margra samþykk­is­glugga fyr­ir for­rit þriðja aðila á iP­ho­ne og iPad-tækj­um, sem ger­ir upp­lif­un­ina íþyngj­andi.

Það komst einnig að því að kerfi Apple krefðist þess að not­end­ur afþökkuðu aug­lýs­ing­arakn­ingu tvisvar í stað einu sinni sem grafi und­an hlut­leysi eig­in­leik­ans og valdi efna­hags­legu tjóni fyr­ir for­rita­út­gef­end­ur og þjón­ustuaðila aug­lýs­inga.

• Blogga um frétt