Hamas vill grípa til vopna gegn áformum Trumps
Setja bókamerki
Tengdar fréttir
Ísrael/Palestína
Háttsettur leiðtogi Hamas hvetur stuðningsmenn um allan heim til að grípa til vopna og berjast gegn áformum Donalds Trump Bandaríkjaforseta um að flytja meira en tvær milljónir Gasabúa til nágrannalanda eins og Egyptalands og Jórdaníu.
„Andspænis þessari vondu áætlun, sem sameinar fjöldamorð og hungursneyð, verður hver sá sem getur borið vopn, hvar sem er í heiminum, að grípa til aðgerða,“ sagði Sami Abu Zuhri í yfirlýsingu sem hann sendi frá sér.
„Haldið ekki aftur af sprengju, kúlu, hnífi eða steini. Látum alla rjúfa þögnina.“
Trump Bandaríkjaforseti hefur lagt til að Palestínumönnum verði vikið frá Gasa og að Bandaríkin fái að endurreisa það.
Vill að Bandaríkin eignist Gasa og byggi það upp
Trump sagði í viðtali í febrúar að íbúar Gasasvæðisins myndu ekki fá að snúa aftur heim, heldur ættu þeir að fá varanleg heimili núna í nágrannaríkjunum.
Sagði Trump að það gæti tekið mörg ár áður en Gasasvæðið yrði byggilegt á ný, og að í millitíðinni ættu Bandaríkin að eignast svæðið og byggja það upp.
Trump lýsti einnig yfir að hann gæti stöðvað aðstoð til Egyptalands og Jórdaníu ef þau neituðu að taka við íbúum Gasasvæðisins.
Tengdar fréttir
Ísrael/Palestína
Gosið ekki „mjög aðlaðandi“ að sjá frá brautinni
„Man ekki eftir að grjót hafi lent á bíl áður“
„Varla hægt að segja að þetta venjist“
Kvika komin mjög norðarlega: Færist nær brautinni
Byssumaðurinn í Grindavík var handtekinn
Talsverð tíðindi í könnun Gallup í Reykjavík
Skjálftavirkni á um 20 kílómetra löngu svæði
Lítið hægt að gera ef hraun rynni að húsum