Trump líkir sakfellingu Le Pen við eigin lagadeilur
Setja bókamerki
Donald Trump Bandaríkjaforseti líkir dómi yfir Marine Le Pen, leiðtoga harðlínuhægriflokksins Þjóðfylkingarinnar, við eigin lagadeilur. Hann segir sakfellingu hennar vera „mjög stórt mál“.
Le Pen var sakfelld fyrir fjársvik af dómstóli í París á mánudagsmorgun og hlaut þar fjögurra ára dóm.
Jafnframt var henni meinað að bjóða sig fram til opinbers embættis í fimm ár. Hún hafði í hyggju að bjóða sig fram til forseta árið 2027, sem hefði verið fjórða forsetaframboðið hennar.
„Henni var meinað að bjóða sig fram í fimm ár og hún var aðalframbjóðandinn,“ sagði Trump við blaðamenn í dag.
„Það hljómar eins og þetta land. Það hljómar mjög mikið eins og þetta land,“ bætti hann við og vísaði þar til eigin lagadeilna síðustu ára, sem hann hefur ítrekað líkt við nornaveiðar að hálfu saksóknara í Bandaríkjunum.
Almennir starfsmenn fengu greitt úr sjóðum Evrópuþings
Le Pen og 24 aðrir starfsmenn Þjóðfylkingarinnar voru ákærðir fyrir misferli með fjármuni úr sjóðum Evrópusambandsins. Féð átti að standa undir launakostnaði við aðstoðarmenn þingflokksins en var í staðinn notað til þess að greiða almennum starfsmönnum flokksins á árunum 2004 til 2016.
Tólf aðstoðarmenn voru einnig sakfelldir fyrir að hylma yfir glæp, og dómstóllinn mat að ráðabruggið hefði kostað um 2,9 milljónir evra, sem jafngildir um 413 milljónum kr.
Öllum sem hlutu dóma í málinu var bannað að bjóða sig fram til embættis, og dómarinn tilgreindi að refsingin ætti að taka gildi tafarlaust jafnvel þótt áfrýjun væri lögð fram.
Hún hyggst áfrýja dómnum.
Óvænt niðurstaða
Niðurstaðan kom mörgum í opna skjöldu þar sem stjórnmálamenn vítt og breitt úr hinum franska þingheimi höfðu talið það ólíklegt að dómarinn myndi í alvöru meina henni að bjóða sig aftur fram.
Vinstrimaðurinn Jean-Luc Melenchon, miðjumaðurinn François Bayrou forsætisráðherra, og hægrimaðurinn Minister Gérard Darmanin dómsmálaráðherra höfðu allir sagst eiga erfitt með að trúa því að dómarinn myndi endanlega fallast á kröfu saksóknara, að því er BBC greinir frá.
Bandaríska utanríkisráðuneytið hefur jafnframt sagt það varhugavert að útiloka stjórnmálamenn frá framboði.
Sprungur gleikkuðu í Grindavík
Umferðarslys á Reykjanesbraut
Ekki sannfærður um túlkun Veðurstofunnar
Gosið ekki „mjög aðlaðandi“ að sjá frá brautinni
Úlfar: Það þarf að halda vöku sinni
Byssumaðurinn í Grindavík var handtekinn
Skjálftavirkni á um 20 kílómetra löngu svæði
Ekið á gangandi vegfaranda