„Enginn vinnur í viðskiptastríði“
Setja bókamerki
Keir Starmer, forsætisráðherra Bretlands, segir að 10% tollar sem Donald Trump Bandaríkjaforseti hefur lagt á breskan útflutning til Bandaríkjanna muni klárlega hafa áhrif.
Trump tilkynnti í gær að Bandaríkin mun setja gagntolla á þjóðir um heim allan sem eru með tolla á innflutning vara frá Bandaríkjunum, þar að auki verður 10% lágmarkstollur á allar innfluttar vörur frá Bandaríkjunum.
Starmer segir að viðræður haldi áfram við stjórn Trumps og að hann muni berjast fyrir bestu samningum fyrir hönd Bretlands. Hann segir að enginn vinni í viðskiptastríði.
„Við lifum í breyttum heimi og við verðum að takast á við þessa áskorun. Ákvarðanir sem við tökum á næstu dögum og vikum verða eingöngu leiddar af þjóðarhagsmunum okkar, í þágu hagsmuna atvinnulífsins og í þágu fyrirtækja. En það er ljóst að enginn vinnur í viðskiptastríði,“ sagði Starmer í yfirlýsingu í morgun.
Hann segir að augljóslega verði efnahagsleg áhrif vegna þeirrar ákvörðunar sem Trump hefur tekið bæði fyrir Bretland og allan heiminn en að ríkistjórn hans muni bregðast við þeim af yfirvegun.
Vægari dómur fyrir að myrða konu í heimahúsi en úti á götu
Lengd gossins nú verið ákvörðuð
Gætum átt von á óvæntum atburðum
Frumvarpið án lögboðins samráðs
Auðlindagjald á Þingvelli óheimilt
Ýjar að Ásthildi Lóu hafi verið fórnað
Grunnskólabörn í útigangi og sækja ekki skóla