Segir Bandaríkin skuldbundin NATO
Setja bókamerki
Marco Rubio, utanríkisráðherra Bandaríkjanna, fullyrti við ríki Atlantshafsbandalagsins að ríkisstjórn Donalds Trumps væri skuldbundin bandalaginu. Aftur á móti sagði hann NATO-ríkin verða að spýta í lófana þegar kæmi að útgjöldum til varnarmála.
Ummæli Trumps, þar sem hann hefur dregið í efa að Bandaríkin muni stíga inn og verja lönd sem verja ekki nægu fjármagni til varnarmála, hafa skapað mikla óvissu meðal evrópskra bandamanna Bandaríkjanna. Þá hafa viðræður Bandaríkjaforsetans og Rússlandsforsetans, og samstarf þeirra, einnig vakið spurningar um stefnu Trumps í utanríkismálum.
Trump styður NATO
„Móðursýkin og upphlaupið sem ég hef orðið vitni að í heimspressunni og bandarískum fjölmiðlum um NATO á ekki rétt á sér,“ sagði Rubio á fyrsta fundi sínum með fulltrúum NATO-ríkjanna í Brussel.
„Trump forseti hefur gert það ljóst að hann styður NATO. Við ætlum áfram að vera í NATO,“ hélt hann áfram.
Trump hefur talað fyrir því að NATO-ríki verji fimm prósentum af vergri þjóðarframleiðslu í varnarmál. Lágmarksviðmiðið sem Atlantshafsbandalagsríki horfa til núna eru tvö prósent.
Ísland er eitt níu ríkja sem náðu ekki þessu marki á síðasta ári, samkvæmt úttekt BBC sem birt var í febrúar. Ísland ver 0,14% til varnarmála.
Hagræða en leita að tækifærum í leiðinni
Raforkukostnaður fyrirtækja rýkur upp
Tvær sundlaugar vinsælli en Laugardalslaug
Fáheyrður þingfundur á sunnudegi
Lausir úr haldi grunaðir um stórfellda líkamsárás
Augu flughers Rússa eru tekin að lokast