Myndir: Trump mótmælt víðs vegar um Bandaríkin
Setja bókamerki
Donald Trump Bandaríkjaforseta og Elon Musk, auðkýfingi og samstarfsmanni Trump, hafa verið mótmælt víða um heim í dag. Á annan tug þúsunda manna hafa safnast saman víðs vegar um Bandaríkin þar sem stjórnvaldsákvörðunum Trumps er mótmælt.
„Hann er að rífa þetta land í sundur. Þetta er ríkisstjórn kvartana,“ sagði einn mótmælendanna í samtali við AP-fréttastofuna.
Mótmælt hefur verið í öllum 50 ríkjum Bandaríkjanna og voru þau skipulögð af yfir 150 hópum, þar á meðal mannréttindasamtökum, verkalýðsfélögum, fyrrverandi hermönnum og aðgerðarsinnum. Mótmælin hafa verið friðsöm og ekki hafa borist fréttir af handtökunum í kjölfarið.
Mótmælt var víða um heim og meðal annars var hópur fólks fyrir framan sendiráð Bandaríkjanna í Reykjavík að mótmæla í dag.
Samtök demókrata fyrir bandaríska ríkisborgara búsetta erlendis ákváðu að skipuleggja sambærileg mótmæli og í Bandaríkjunum í evrópskum stórborgum.
Mótmælt hefur verið m.a. í París, Berlín og London.
Kristrún endurkjörin með 98% atkvæða
Skattar og gjöld á matseðli
Persónuverndarlög gilda einnig um stjórnvald
Fjölskylda frá Spáni lést í þyrluslysinu
Ákvörðun ráðherra endurspegli mikið þekkingarleysi
