Sýnir að enginn hagnast á viðskiptastríði
Setja bókamerki
Hrun markaða víðs vegar um heiminn sýnir skýrt að enginn mun hagnast á viðskiptastríði.
Þetta sagði Steffen Hebestreit, talsmaður þýsku ríkisstjórnarinnar, á blaðamannafundi í Berlín í morgun.
Þurfi að bregðast við af skynsemi
Að hans sögn þarf nú að bregðast við af skynsemi og með skýrum hætti til að koma í veg fyrir að viðskiptastríð stigmagnist.
Einnig þurfi Evrópusambandið að standa vörð um hagsmuni þjóða sinna og koma þeim skýrt á framfæri.
Tollar á innfluttar vörur frá ríkjum innan Evrópusambandsins til Bandaríkjanna nema 20% og taka gildi á miðvikudag.
Evrópusambandið hefur lýst því yfir að mótvægisaðgerðir verði gerðar vegna tollanna.
Vísitalan féll um 10%
Að því er AFP-fréttaveitan greinir frá lækkaði DAX-vísitalan í Þýskalandi um 10% á einum tímapunkti í morgun.
Hebestreit sagði að umtalsverð verðmæti væru að glatast á fjármálamörkuðum og að efnahagsleg áhrif væru þegar farin að koma fram.
/frimg/1/56/13/1561304.jpg)
Kerfið segir nei og börnin látin bíða
/frimg/1/21/17/1211789.jpg)
Kona í gæsluvarðhaldi vegna rannsóknar á andláti manns
Jarðskjálftahrina nærri Húsavík
Sjö þúsund sjálfboðaliðar
Boða til samverustundar vegna slyssins
Birgitta vinsælust