Trump og Selenskí áttu „mjög árangursríkan“ fund
Setja bókamerki
Tengdar fréttir
Úkraína
Volodimír Selenskí Úkraínuforseti og Donald Trump Bandaríkjaforseti áttu „mjög árangursríkan“ fund í Péturskirkjunni Róm í morgun, áður en útför Frans páfa hófst.
Fundurinn stóð í um fimmtán mínútur, en talsmaður stjórnvalda í Úkraínu segir að þeir muni hugsanlega hittast aftur síðar í dag.
Er þetta í fyrsta skipti sem leiðtogarnir hittast síðan þeir áttu hitafund í Hvíta húsinu í lok febrúar þar sem ræða átti mögulegan friðarsamning við Rússa og samkomulag um jarðefnaauðlindir.
Þá sauð nánast uppúr á milli þeirra og vísaði Trump Selenskí á dyr í kjölfar fundarins. Þá höfðu bæði Trump og J.D Vance, varaforseti Bandaríkjanna, sagt Selenskí vanþakklátan og sakað hann um vanvirðingu í garð Bandaríkjanna.
„Trump forseti og Selenskí forseti hittust á einkafundi í dag og áttu mjög árangursríkt samtal,“ sagði Steven Cheung, samskiptastjóri Hvíta hússins, í samtali við AFP og tók fram að frekari upplýsinga væri að vænta af fundi forsetanna.
Trump sagði í gær að Rússland og Úkraínu væru „mjög nálægt“ samkomulagi um vopnahlé og hvatti hann stríðandi fylkingar til að hittast og ganga frá því formlega.
Tengdar fréttir
Úkraína
Dæmi um að íslensk ungmenni herji á jafnaldra sína
Bænum gert að farga húsinu á kostnað eiganda
Vinsælir júrófarar draga jaðarmenningu fram í ljósið
Sótti ekki um
Byggingaraðili á að bera ábyrgð
Breti hyggst synda hringinn í kringum Ísland