Sænska lög­regl­an hef­ur hand­tekið þrjá í tengsl­um við skotárás við hár­greiðslu­stofu í Upp­söl­um þar sem þrír létu lífið á þriðju­dag. 16 ára dreng­ur sem var hand­tek­inn vegna árás­ar­inn­ar verður lát­inn laus úr haldi.

Frétt af mbl.is

Einn í haldi eft­ir skotárás­ina

SVT grein­ir frá því að drengn­um verði sleppt síðar í dag og að rann­sókn hafi leitt í ljós að hann hafi ekki verið að verki. 

Dreng­ur­inn strauk af svo­kölluðu HVB-heim­ili, sem eru heim­ili fyr­ir vanda­laus börn, nokkr­um dög­um fyr­ir árás­ina. 

Lögmaður drengs­ins sagði í sam­tali við miðil­inn að um mik­inn létti sé að ræða. 

„Skjól­stæðing­ur minn gat svarað spurn­ing­um lög­regl­unn­ar og sannað sak­leysi sitt,“ sagði And­ers Sannervik lögmaður. 

Tveir menn, 25 ára og 35 ára, voru hand­tekn­ir í gær. Einn til viðbót­ar á tví­tugs­aldri var síðan hand­tek­inn í nótt. 

Tengd­ar frétt­ir

Óöld í Svíþjóð

Tjón á átta bygg­ing­um eft­ir spreng­ingu

• Bandidos fjölg­ar klúbb­um í Svíþjóð
• „Grikk­inn“ réð ung­linga til víga
• Þungt hald­inn og grunaður um að myrða kær­ustu sína
• Kona lát­in eft­ir al­var­leg­an glæp: Einn hand­tek­inn

» Fleiri tengd­ar frétt­ir

• Blogga um frétt