Telja Trump hafa haft áhrif á þingkosningar Ástralíu

Toll­ar Don­alds Trumps Banda­ríkja­for­seta gætu hafa hjálpað við að tryggja sig­ur Verka­manna­flokks­ins í Ástr­al­íu í þing­kosn­ing­um þar í landi, að sögn sér­fræðinga. 

Trump var langt í frá mikið áhyggju­efni kjós­enda Ant­hony Al­banese for­sæt­is­ráðherra, ólíkt því sem þekkt­ist í kosn­ing­um Kan­ada fyr­ir þrem­ur dög­um. 

Frétt af mbl.is

„Þetta verða ótrú­lega spenn­andi tím­ar“

En sum­ir telja þó að Trump hafi haft veru­leg áhrif á viðsnún­ing Verka­manna­flokks­ins í skoðana­könn­un­um og af­ger­andi kosn­inga­úr­slit.

Íhalds­flokk­ur­inn, und­ir for­ystu Peter Dutt­on, hafði leitt skoðanakann­an­ir í þrjá mánuði. Dutt­on hef­ur nú misst þing­sæti sitt.

Peter Dutt­on, leiðtogi Íhalds­flokks­ins. AFP

Vildi fækka op­in­ber­um störf­um

Lík­indi Dutt­on við áherslu­mál Trump um að fækka op­in­ber­um störf­um fyr­ir skil­virk­ari stjórn­sýslu gæti hafa fælt kjós­end­ur frá, að sögn Henry Maher, stjórn­mála­fræðipró­fess­ors í Há­skól­an­um í Syd­ney.

„Auðvitað, eru önn­ur áhyggju­mál svo sem fram­færslu­kostnaður, varn­ar­mál, heil­brigðisþjón­usta og allt annað,“ sagði hann við AFP-frétta­veit­una. 

„En ef við vilj­um skilja af hverju stór hluti kjós­enda skipti um skoðun í kosn­inga­bar­átt­unni síðustu tvo mánuði, þá held ég að það sé stærsta málið.“

Banda­ríkja­stjórn hef­ur lagt á 10% toll á vör­ur frá Ástr­al­íu sem hef­ur leitt til óstöðug­leika á fjár­mála­mörkuðum. Maher tel­ur það hafa gert kjós­end­ur tauga­óstyrka. 

36% treysta Banda­ríkj­un­um

Traust ástr­alskra borg­ara á helstu bandaþjóð rík­is­ins hef­ur minnkað veru­lega und­ir stjórn Trumps. 

Ein­ung­is 36% Ástr­ala treysta nú Banda­ríkj­un­um sam­kvæmt skoðana­könn­un­um. Það er um 20% minna traust en var á ár­inu 2024. 

Fyrr á ár­inu lýsti Dutt­on Trump sem „hugsuði“ og „klár­um“.

Er leið á kosn­inga­bar­átt­una tóku bæði Dutt­on og Al­banese hins veg­ar harðari af­stöðu gagn­vart Trump og sögðust ekki ætla að verða við kröf­um Trumps er kæmi að hags­mun­um Ástr­al­íu. 

Frá kosn­inga­vöku Verka­manna­flokks­ins. AFP

Dutt­on tapað af því hann er Dutt­on

Kate Harri­son Brenn­an, sem var ráðgjafi Ju­liu Gill­ard, fyrr­ver­andi for­sæt­is­ráðherra, sagði stefn­ur Dutt­ons „álíka og þær sem sæj­ust í Banda­ríkj­un­um“.

Trump hafði „klár­lega“ áhrif á kosn­ing­arn­ar, sagði hún í sam­tali við AFP. 

Ekki voru þó all­ir sér­fræðing­ar sem AFP ræddi við sam­mála um áhrif Trumps. 

Paul Williams, stjórn­mála­fræðing­ur við Griffith-há­skóla, sagði að Al­banese hefði unnið jafn­vel þó Joe Biden væri enn for­seti Banda­ríkj­anna. 

Hann sagði Íhalds­flokk­inn aðeins hafa lagt fram nokkr­ar skýr­ar stefn­ur, líkt og notk­un kjarn­orku í Ástr­al­íu, og síðan ekki getað út­skýrt stefn­urn­ar fyr­ir kjós­end­um. 

Williams sagði óákveðna kjós­end­ur ekki hafa forðast Dutt­on af því þeir minntu á Trump. 

„Þeir gerðu það út af Peter Dutt­on. Peter Dutt­on hef­ur tapað kosn­ing­unni af því hann er Peter Dutt­on.“

• Blogga um frétt