Rændu föður rafmyntarmilljarðamærings

Franska lög­regl­an réðst í aðgerðir um helg­ina til þess að frelsa mann sem hafði verið rænt í Par­ís í þeim til­gangi að neyða son hans til að greiða lausn­ar­gjald. Son­ur­inn hef­ur auðgast af sölu raf­mynt­ar. 

Fimm voru hand­tekn­ir í aðgerðum lög­reglu. Þeir eru all­ir á þrítugs­aldri.  

Fórn­ar­lamb mann­ráns­ins hef­ur ekki verið nafn­greint en hann fannst í Es­sonne-hverf­inu í Par­ís í gær­kvöldi. Hann hafði þá verið í haldi frá því á fimmtu­dags­morg­un. 

Sam­kvæmt heim­ild­um AFP-frétta­veit­unn­ar réðust fjór­ir menn í lambhús­hett­um að mann­in­um og komu hon­um fyr­ir í sendi­ferðabíl. 

Fing­ur skor­inn af

„Fórn­ar­lambið er faðir manns sem hef­ur auðgast af sölu raf­mynta og var glæp­ur­inn fram­inn í nafni lausn­ar­gjalds,“ sagði í yf­ir­lýs­ingu sak­sókn­ara. 

Franski miðil­inn Le Parisien greindi frá því að mann­ræn­ingjarn­ir hefðu kraf­ist lausn­ar­gjalds á milli 5 og 7 millj­óna evra, eða á bil­inu 750 millj­óna til eins millj­arðs króna. 

Sam­kvæmt heim­ild­um AFP hafði einn af fingr­um föður­ins verið skor­inn af hendi hans. 

Eig­in­kona fórn­ar­lambs­ins sagði rann­sak­end­um að eig­in­manni henn­ar og syni þeirra hefði áður verið hótað. Þeir áttu báðir raf­myntar­fyr­ir­tæki á Möltu. 

Annað mál í janú­ar

Í janú­ar var öðrum frönsk­um raf­mynt­ar­auðkýf­ingi og fé­laga hans rænt. 

Dav­id Bal­land hafði stofnað fyr­ir­tækið Led­ger sem er metið á meira en einn millj­arð doll­ara. Fing­ur Ball­ard var skor­inn af af ræn­ingj­un­um sem kröfðust lausn­ar­gjalds. 

Hann var lát­inn laus degi síðar. Unn­usta hans fannst bund­in í skotti bíls í Es­sonne-hverf­inu í Par­ís. 

Níu ein­stak­ling­ar eru grunaðir í því máli, þar á meðal er höfuðpaur­inn sem er 26 ára gam­all og hef­ur áður verið dæmd­ur fyr­ir mann­rán. 

• Blogga um frétt