Forsetakosningar í Póllandi vekja vonir um breytingar

Pól­verj­ar munu ganga að kjör­borðinu þann 18. maí til að velja for­seta til næstu fimm ára. Hinn miðjusinnaði Rafał Trza­kowski er tal­inn vera sig­ur­strang­leg­ast­ur.

Miðju­stjórn Don­alds Tusk for­sæt­is­ráðherra von­ast til að binda enda á óþægi­legt sam­starf með íhalds­sama for­set­an­um Andrzej Duda. Hef­ur Duda ít­rekað beitt neit­un­ar­valdi sínu gegn um­bót­ar­hug­mynd­um flokks Tusks. Karol Nawrocki, helsti mót­fram­bjóðandi Trza­kowski, nýt­ur stuðnings Duda og gæti það haft af­drifa­rík­ar af­leiðing­ar fyr­ir stjórn Tusk ef hann nær kjöri.

Fyrri um­ferð kosn­ing­anna fer fram sunnu­dag­inn 18. maí og seinni um­ferð kosn­ing­anna fer fram þann 1. júní.

Ef ein­hver fram­bjóðandi hlýt­ur meira en 50% at­kvæða er ekki farið í seinni um­ferð og kosn­ingu er lokið. Ef marka má skoðanakann­an­ir virðist lík­legt að farið verði í seinni um­ferð kosn­ing­anna.

Rafał Trza­kowski í for­ystu

Alls eru 17 fram­bjóðend­ur á lista fyr­ir kom­andi for­seta­kosn­ing­ar. Rafał Trza­kowski, fram­bjóðandi stærsta stjórn­ar­flokks Pól­lands, miðju­flokks­ins Civic Plat­form (PO), er tal­inn lík­leg­ast­ur til að bera sig­ur úr být­um.

Trza­kowski hef­ur und­an­far­in ár verið borg­ar­stjóri Var­sjár og nýt­ur hann einnig stuðnings for­sæt­is­ráðherra Pól­lands, Don­ald Tusks. Hann hef­ur mælst með 30-40% fylgi í skoðana­könn­un­um og hef­ur hann tals­vert for­skot á hina fram­bjóðend­urna.

Harður slag­ur um annað sætið

Bar­átt­an um að kom­ast í aðra um­ferð er hörð. Þar ber helst að nefna tvo fram­bjóðend­ur sem eru mót­falln­ir Evr­ópu­sam­band­inu og eru þeir nokkuð jafn­ir í fylgi. Nawrocki er tal­inn vera lík­leg­ast­ur til að mæta Trza­kowski í seinni um­ferð kosn­ing­anna. Nawrocki nýt­ur stuðnings hægri stjórn­ar­and­stöðuflokks­ins Lög og rétt­læti (PiS) og frá­far­andi for­seta, Andrzejs Duda.

Hann mæl­ist með um 19 til 23% at­kvæða, með ör­lítið for­skot á hinn 38 ára gamla Slawom­ir Mentzen, sem nýt­ur stuðnings hægri öfga­flokks­ins Nowa Nadzieja (NN).

Trump fund­ar með for­setafram­bjóðanda

Báðir mót­fram­bjóðend­ur Trza­kowski eru aðdá­end­ur Don­alds Trump Banda­ríkja­for­seta en Nawrocki fundaði með Trump fyrr í vik­unni þar sem hann átti sam­tal um banda­lag og sam­starf milli Pól­lands og Banda­ríkj­anna. Nawrocki hef­ur hlotið mikla gagn­rýni þing­manna í Póllandi fyr­ir fund­inn. 

Karol Nawrocki, for­setafram­bjóðandi fyr­ir PiS-flokk­inn. AFP/​Woj­tek Radw­anski

Pól­verj­ar sem bú­sett­ir eru á Íslandi og eru með kosn­inga­rétt geta kosið til for­seta í pólska sendi­ráðinu við Þór­unn­ar­tún 2 í Reykja­vík.

• Blogga um frétt