Krefjast sex ára dóms yfir „rusladrottningunni“

Sænsk­ir sak­sókn­ar­ar fara fram á sex ára fang­els­is­dóm yfir konu sem hef­ur kallað sig „rusladrottn­ing­una“ í Svíþjóð auk fjög­urra annarra. Málið varðar ólög­lega los­un á eitruðum úr­gangi. 

Þetta kom fram á loka­degi aðalmeðferðar máls­ins, sem er um­fangs­mesta saka­mál lands­ins þegar kem­ur að um­hverf­is­glæp­um.

Fyr­ir­tækið Think Pink er sakað um að hafa losað eða grafið um 200.000 tonn af úr­gangi frá Stokk­hólmi og ná­grenni á 21 stað milli ár­anna 2015 til 2020, án þess að hafa haft í hyggju að meðhöndla hann rétt.

Neita sök

Fyrr­ver­andi for­stjóri þess, Bella Nils­son, sem er fyrr­ver­andi nekt­ar­dans­mær, er ákærð fyr­ir al­var­leg­an um­hverf­is­glæp.

Frétt af mbl.is

„Rusladrottn­ing­in“ ákærð fyr­ir glæp gegn um­hverf­inu

Tveir aðrir, sem gegndu sömu­leiðis stöðu for­stjóra á um­ræddu tíma­bili, eru jafn­framt born­ir sömu sök­um. Það eru þeir Thom­as Nils­son, sem er fyrr­ver­andi eig­inmaður Bellu Nils­son, og Leif-Ivan Karls­son, sem er sagður vera sér­vit­ur frum­kvöðull sem lék í raun­veru­leikaþætti sem fjallaði um yf­ir­drif­inn lífs­stíl hans. 

Þá eru þeir Robert Sil­versten og Tobi­as Gustafs­son sakaðir um að hafa skipu­lagt flutn­ing úr­gangs­ins.

All­ir sak­born­ing­arn­ir fimm neita sök.

„Við gerðum allt rétt. Við gerðum það lög­lega. Við fylgd­um lög­un­um,“ sagði Bella Nils­son við héraðsdóm­inn.

• Blogga um frétt