Átti í flóknu sambandi við fórnarlömbin

Áströlsk kona sem ákærð er fyr­ir þre­falt morð og eina til­raun til mann­dráps af völd­um eitraðra sveppa í máltíð, sem hún bar fram árið 2023, er sögð hafa sjald­an áður boðið fórn­ar­lömb­um sín­um í mat. Þetta kem­ur fram í grein um rétt­ar­höld­in af frétta­veitu AFP.

Kon­an, hin fimm­tuga Erin Patter­son, neit­ar allri sök í mál­inu en rétt­ar­höld í mál­inu standa nú yfir. 

Sam­tal við ung­an son kon­unn­ar, sem tekið var upp í kjöl­far dauðsfall­anna, var í dag spilað á rétt­ar­höld­un­um. Þar kom fram að sú ákærða hafi einu sinni áður boðið fórn­ar­lömb­um sín­um, for­eldr­um eig­in­manns síns, í mat en aldrei áður föður­syst­ur hans og eig­in­manni henn­ar. 

For­eldr­ar eig­in­manns­ins og föður­syst­ir hans lét­ust eft­ir neyslu á matn­um en eig­inmaður föður­syst­ur hans lifði af eft­ir langa dvöl á spít­ala. 

For­eldr­arn­ir áttu í storma­sömu sam­bandi 

Son­ur kon­unn­ar minnt­ist á í upp­tök­unni að for­eldr­ar hans hafi átt í „mjög“ nei­kvæðu sam­bandi sem leiddi til dauðsfall­anna.

„Pabbi ger­ir marga hluti til þess að reyna að særa mömmu.“ 

Maður kon­unn­ar, Simon Patter­son, hafi þá einnig hafnað boði henn­ar um að koma í há­deg­is­mat þenn­an ör­laga­ríka dag. 

Borðuðu af­gang­ana af matn­um

Morg­un­inn eft­ir há­deg­is­verðinn sagði son­ur kon­unn­ar að móðir hans hafi kvartað und­an ógleði og van­líðan og að þau hafi sleppt því að mæta í kirkju þenn­an dag­inn vegna þess.

Um kvöldið hafi þau borðað af­ganga ef kjöt­inu en að kon­an hafi tekið svepp­ina af þar sem börn­in henn­ar væru „mat­vönd“.

Bæði son­ur henn­ar og dótt­ir segj­ast ekki hafa veikst eft­ir neyslu á matn­um.

Ákæru­valdið tel­ur að Patter­son hafi vís­vit­andi eitrað fyr­ir gest­um sín­um en verj­end­ur kon­unn­ar segja að þetta hafi verið „hræðilegt slys“.

Talið er að rétt­ar­höld­in muni standa yfir næstu fimm vik­ur. 

• Blogga um frétt