Leggja niður vopn og leysa PKK upp

Ákveðið hef­ur verið að leysa upp verka­manna­flokk Kúr­d­ist­an (PKK), sem bar­ist hef­ur í yfir 40 ár við Tyrki fyr­ir sjálf­stæðu kúr­dísku ríki.

AFP-frétta­veit­an grein­ir frá.

Ákvörðun­ina má rekja til og er í sam­ræmi við vilja Abdullah Öcal­an, leiðtoga PKK, frá því í fe­brú­ar en Öcal­an hef­ur setið í fang­elsi í Tyrklandi frá ár­inu 1999.

Frétt af mbl.is

Fékk 11 mánaða dóm fyr­ir að „móðga“ Er­dog­an

Er­dog­an var sann­spár

Öcal­an hef­ur þó áfram verið æðsti leiðtogi og hug­mynda­smiður sam­tak­anna. Hann hafði hvatt PKK til að leggja niður vopn og staðfesta ákvörðun­ina form­lega á flokksþingi.

„12. PKK-flokksþingið hef­ur ákveðið að leysa upp skipu­lag PKK og leggja niður vopn,“ sagði í yf­ir­lýs­ingu PKK að loknu flokksþing­inu í síðustu viku.

Í ræðu sinni á laug­ar­dag ýjaði Recep Tayyip Er­dog­an Tyrk­lands­for­seti að því að frétt­ir væru vænt­an­leg­ar af þessu meiði frá PKK. Bætti hann því við að rík­is­stjórn hans væri staðráðin í að bjarga Tyrklandi úr klóm hryðju­verka­manna.

• Blogga um frétt