Brýnir fyrir tjáningarfrelsi

Í fyrsta ávarpi sínu til fjöl­miðlafólks frá Vatíkan­inu kallaði Leó páfi eft­ir lausn fang­elsaðra blaðamanna. Hann sagði tján­ing­ar­frelsi vera dýr­mæta gjöf sem fjöl­miðlafólki bæri skylda að vernda. 

Lýsti Leó yfir sam­stöðu með blaðamönn­um sem voru fang­elsaðir fyr­ir að sinna störf­um sín­um. Nefnd um vernd blaðamanna gaf ný­lega út að árið 2024 voru 361 blaðamaður í fang­elsi.

Leó var val­inn nýr leiðtogi kaþólsku kirkj­unn­ar á fimmtu­dag í síðustu viku. Hann verður form­lega vígður í messu á Pét­urs­torgi á sunnu­dag­inn.  

Í ávarpi sínu lagði hann einnig áherslu á að blaðamenn ættu að vekja at­hygli á órétt­læti og fá­tækt í heim­in­um. Hvatti hann fjöl­miðla til að ein­beita sér að því að greina frá sann­leik­an­um og gefa „öfg­um og hatri“ ekki rými. 

Seg­ir mik­il­vægt að blaðamenn greini frá órétt­læti og fá­tækt í heim­in­um. AFP/​Al­berto Pizzoli

Hef­ur áhyggj­ur af notk­un gervi­greind­ar

Páfinn gerði gervi­greind einnig að um­tals­efni í ræðu sinni þar sem hann lýsti yfir áhyggj­um af notk­un henn­ar. Hvatti hann fjöl­miðlafólk til að nota gervi­greind með ábyrgð og nota dómgreind sína þegar það kem­ur að notk­un henn­ar. 

Páfinn hóf ræðu sína á brand­ara um það mikla lófa­klapp sem hann fékk þegar hann steig fram.

„Takk fyr­ir þess­ar frá­bæru mót­tök­ur. Þeir segja að þegar fólk klapp­ar í byrj­un skipti það ekki miklu máli. Ef þið eruð enn vak­andi í lok­in og viljið enn klappa þakka ég ykk­ur kær­lega,“ sagði Leó og upp­skar mik­inn hlát­ur meðal viðstaddra. 

Leó ávarpaði blaðamenn í dag. AFP/​Al­berto Pizzoli

• Blogga um frétt