Handtekinn fyrir íkveikjur tengdar ráðherranum

Breska lög­regl­an hand­tók 21 árs gaml­an mann snemma í morg­un vegna gruns um tvær íkveikj­ur tengd­ar Keir Star­mer, for­sæt­is­ráðherra Bret­lands.

Lög­reglulið Lund­úna­borg­ar seg­ir að maður­inn hafi verið hand­tek­inn „vegna gruns um íkveikju með þeim ásetn­ingi að stofna lífi í hættu“.

Viðbragðsaðilar voru kallaðir á vett­vang vegna elds við fyrr­um fjöl­skyldu­heim­ili Star­mers í norður­hluta Lund­úna að nóttu til á mánu­dag en for­sæt­is­ráðherr­ann bjó þar áður en flokk­ur hans, Verka­manna­flokk­ur­inn, sigraði þing­kosn­ing­ar í lok júlí.

For­sæt­is­ráðherr­ann, sem hef­ur búið í ráðherra­bú­staðnum að Down­ingstræti síðan, á húsið enn og leig­ir það út.

Þrjár íkveikj­ur rann­sakaðar

„Lög­reglu­menn komu á vett­vang. Skemmd­ir urðu á inn­gangi eign­ar­inn­ar en eng­inn slasaðist,“ seg­ir í yf­ir­lýs­ingu lög­reglu.

Lög­regl­an hef­ur tengt at­vikið við ann­an elds­voða sem varð á sunnu­dag í ann­arri eign í Norður-Lund­ún­um en bresk­ir fjöl­miðlar hafa einnig tengt þá bygg­ingu við Star­mer. Í því til­felli þurfti að bjarga ein­um úr lífs­háska.

Lög­regl­an rann­sak­ar einnig bíl­bruna 8. maí sem hluta af rann­sókn sinni.

„All­ir þrír elds­voðarn­ir eru tald­ir grun­sam­leg­ir að svo stöddu og rann­sókn stend­ur enn yfir,“ seg­ir lög­regl­an í yf­ir­lýs­ingu.

• Blogga um frétt