Sænski njósnarinn er hátt settur embættismaður

Maður­inn sem var hand­tek­inn í gær í Svíþjóð grunaður um njósn­ir er hátt sett­ur diplómati þar í landi. Frá þessu grein­ir SVT, sænska rík­is­út­varpið. Sænski diplómat­inn hef­ur sinnt störf­um í þágu sænska rík­is­ins víðs veg­ar um heim­inn.

Frétt af mbl.is

Einn hand­tek­inn vegna njósna í Stokk­hólmi

Talsmaður sænsku leyniþjón­ust­unn­ar Sapo, Johann Wikstrom, sagði leyniþjón­ust­una hafa hand­tekið mann­inn í Stokk­hólmi grunaðan um að hafa stundað njósn­ir frá fyrsta til ell­efta maí.

Enn er margt á huldu í mál­inu en sænsk stjórn­völd hafa ekki veitt frek­ari upp­lýs­ing­ar.

Njósn­ir hafa færst í auk­ana und­an­far­in ár í Svíþjóð. Árið 2023 var fyrr­um starfsmaður sænsku leyniþjón­ust­unn­ar dæmd­ur fyr­ir njósn­ir í þágu Rúss­lands. Hann hlaut lífstíðarfang­elsi. 

Rúss­nesk stjórn­völd eru meðal þeirra sem Svía grun­ar helst um að stunda njósn­ir sem bein­ast gegn Norður­landaþjóðunum. Auk Rússa eru Kín­verj­ar og Íran­ar á list­an­um.

• Blogga um frétt