Norsk stjórn­völd standa nú frammi fyr­ir sinni stærstu op­in­beru fjár­fest­ingu í sögu lands­ins sem nem­ur 125 millj­örðum króna, jafn­v­irði tæp­lega 1.600 millj­arða ís­lenskra króna, og er sviði varn­ar­mála.

Ætlar norska ríkið sér aðkaupa allt að sex nýj­ar freigát­ur sem sett­ar verða til höfuðs rúss­nesk­um kaf­bát­um á norsku hafsvæði og verður syst­ur­skip­um KNM Hel­ge Ingstad, sem eru fjög­ur, skipt út fyr­ir þessa nýju viðbót við flot­ann.

Eitt er að um stærstu  fjár­fest­ingu norska rík­is­ins er að ræða og annað að upp­hæðin fer tölu­vert fram úr þeirri viðmiðunar­upp­hæð sem Banda­ríkja­her hef­ur sent evr­ópsk­um banda­mönn­um sín­um um her­gagna­út­gjöld til að stand­ast þær viðmiðanir sem Don­ald Trump Banda­ríkja­for­seti tel­ur æski­leg­ar.

Teflt gegn kaf­bát­um sem koma 2029

„Nú tek­ur Evr­ópa aukna ábyrgð á eig­in ör­yggi sem tákn­ar að við þurf­um að vinna meira tví­hliða og marg­hliða í álf­unni til þess að draga úr kostnaði,“ seg­ir Tore O. Sand­vik varn­ar­málaráðherra við norska rík­is­út­varpið NRK.

Hef­ur ráðherra nú ný­verið flogið í þyrlu yfir bresku freigát­una HMS St. Albans sem nú ligg­ur í Óslóarf­irði í kjöl­far NATO-heræf­ing­ar­inn­ar Dynamic Mong­oose sem nú er ný­lokið.

Seg­ir Sand­vik inn­kaupa­ferlið komið á rek­spöl og þess sé ekki langt að bíða að Stórþingið taki hina end­an­legu ákvörðun. Með kaup­un­um verður norski sjó­her­inn bú­inn nýj­ustu og tækni­vædd­ustu her­skip­um sem völ er á og er þeim ætlað að halda rúss­nesk­um kaf­bát­um, sem hleypt verður af stokk­un­um árið 2029, í skefj­um í haf­djúp­inu við Nor­egs­strend­ur.

Kveður Sand­vik af­hend­ing­ar­tíma nýju freigát­anna mik­il­væg­an, en her­skipap­ant­an­ir geta tekið mörg ár fram að af­hend­ingu, auk þess sem hann seg­ir verðið af­ger­andi þátt, kostnaði þurfi að halda niðri eft­ir föng­um auk þess sem tím­inn skipti miklu svo nýju freigát­urn­ar geti leyst KNM-her­skipalín­una af hólmi áður en þau skip verða með öllu úr­elt, en þau voru sjó­sett upp úr alda­mót­um.

NRK

Netta­visen

Af­ten­posten

Tengd­ar frétt­ir

Rúss­land

Pútín mun hefna sín

• Segja Úkraínu­menn hafa hafnað til­lögu um vopna­hlé
• Sömdu ekki um frið en náðu sam­an um fanga­skipti
• Kynnti varn­aráætl­un og varaði við ógn Rússa
• Friðarviðræður halda áfram í dag

» Fleiri tengd­ar frétt­ir

• Blogga um frétt