Sarkozy laus við ökklabandið

Frönsk yf­ir­völd hafa fjar­lægt ra­f­rænt ökkla­band sem fyrr­ver­andi for­seta Frakk­lands, Nicolas Sar­kozy, var gert að bera í kjöl­far sak­fell­ing­ar sinn­ar fyr­ir spill­ingu.

Ökkla­band­inu var komið á Sar­kozy í fe­brú­ar en fékk hann að bera það í stað þess að afplána eins árs fang­els­is­dóm.

Frétt af mbl.is

Sar­kozy afplán­ar heima

Gat sótt fyrr um reynslu­lausn vegna ald­urs síns

Ald­urs síns vegna gat Sar­kozy, sem er 70 ára gam­all, sótt um reynslu­lausn fyrr en ella. Reynslu­lausn­in var svo veitt í gær eft­ir að fyrr­um for­set­inn hafði afplánað rétt rúma þrjá mánuði.

Þrátt fyr­ir að Sar­kozy þurfi ekki leng­ur að bera ökkla­bandið verður það ekki án skil­yrða. Er hann t.a.m. skyldug­ur til að til­kynna yf­ir­völd­um um ferðalög er­lend­is, hlíta boðum yf­ir­valda og taka á móti heim­sókn­um skil­orðsfull­trúa.

Frétt af mbl.is

Sar­kozy fund­inn sek­ur

Dóm­ur kveðinn upp í öðru máli í sept­em­ber

Hæstirétt­ur Frakk­lands fyr­ir­skipaði Sar­kozy til að bera ökkla­bandið í des­em­ber 2024 eft­ir að hafa fundið hann sek­an um að reyna að hafa áhrif á dóm­ara í máli gegn hon­um árið 2014.

Hef­ur for­set­inn, sem hef­ur verið um­lukinn laga­leg­um vanda­mál­um síðan hann lét af embætti for­seta árið 2012, alltaf haldið fram sak­leysi sínu og hyggst fara með málið fyr­ir Mann­rétt­inda­dóm­stól Evr­ópu.

Fransk­ur dóm­stóll mun svo kveða upp dóm í sept­em­ber í öðru máli gegn Sar­kozy, en þar er hon­um gefið að sök að hafa þegið ólög­leg fjár­fram­lög sem sett voru í kosn­inga­sjóði frá fyrr­um ein­ræðis­herra Líb­íu, Moamm­ar Gaddafí. Form­leg rann­sókn á því máli hófst árið 2013.

• Blogga um frétt