Verða af 1.623 milljörðum

Banda­rík­in munu lík­lega verða af 12,5 millj­örðum banda­ríkja­dala, eða um 1.623 millj­örðum króna, í tekj­ur frá er­lend­um ferðamönn­um á þessu ári.

Þetta kem­ur fram í niður­stöðum rann­sókn­ar Heims­sam­taka ferðaþjón­ustuaðila (WTTC) og Oxford Economics.

Rann­sókn­in leiddi í ljós að Banda­rík­in væru eina landið sem ætti von á að eyðsla er­lendra ferðamanna myndi minnka á milli ára.

Spáð er að tekj­ur frá er­lend­um ferðamönn­um muni verða 181 millj­arður doll­ara á ár­inu sem er 22,5% minna en frá því þegar best lét fyr­ir ára­tug síðan.

Frétt af mbl.is

Gæt­um séð fjölg­un ferðamanna frá Evr­ópu

Setja upp „lokað“ skilti

WTTC sagði að þetta hefði „bein áhrif á banda­rískt hag­kerfi í heild, með áhrif­um á sam­fé­lagið, störf og fyr­ir­tæki“.

Ju­lia Simp­son, for­seti WTTC, sagði í yf­ir­lýs­ingu að stuðning­ur stjórn­valda væri nauðsyn­leg­ur til að tryggja vöxt ferðaþjón­ust­unn­ar.

Sagði hún að á meðan aðrar þjóðir byðu ferðamenn vel­komna settu Banda­rík­in upp „lokað“ skilti.

Frétt af mbl.is

Trump fyr­ir­skip­ar refsiaðgerðir gegn Alþjóðlega saka­mála­dóm­stóln­um

Ferðamenn hræðast Banda­rík­in

Á sama tíma og her­ferð er háð gegn ólög­leg­um inn­flytj­end­um með Don­ald Trump, for­seta Banda­ríkj­anna, í far­ar­broddi, póli­tískt hlaðin um­mæli eru sögð um aðrar þjóðir og toll­ar eru lagðir á er­lend­ar vör­ur hafa verið fjöl­mörg dæmi um neyt­end­ur í öðrum lönd­um sem sniðganga banda­rísk­ar vör­ur og sleppa því að ferðast til Banda­ríkj­anna.

Simp­son sagði við New York Times að sum­ir er­lend­ir ferðamenn væru hrædd­ir við að ferðast til Banda­ríkj­anna.

„Það eru einnig áhyggj­ur varðandi vega­bréfs­árit­an­ir – hvort þeir séu með rétta vega­bréfs­árit­un eða gætu óvart verið hand­tekn­ir, sem hef­ur gert fólk nokkuð smeykt,“ var haft eft­ir henni.

• Blogga um frétt