Fyrsta blóðprufan á Alzheimer samþykkt

Heil­brigðis­yf­ir­völd í Banda­ríkj­un­um samþykktu fyrr í dag fyrsta blóðprófið til að greina Alzheimer­sjúk­dóm­inn. Um er að ræða skref sem gæti hjálpað sjúk­ling­um að hefja meðferð fyrr með ný­lega samþykkt­um lyfj­um sem hægja á fram­gangi tauga­sjúk­dóms­ins.

Prófið, sem var þróað af Fujirebio Diagnost­ics, mæl­ir hlut­fall tveggja próteina í blóðinu. Þetta hlut­fall teng­ist amyloid-skell­um í heil­an­um en þær eru ein­kenn­andi fyr­ir Alzheimer og hafa hingað til aðeins verið grein­an­leg­ar með heila­s­könn­um eða mænu­vökv­agrein­ingu.

Tal­an var tvö­földuð árið 2050.

„Alzheimer­sjúk­dóm­ur­inn hef­ur áhrif á allt of marga - fleiri en brjóstakrabba­mein og blöðru­hálskirt­il­skrabba­mein sam­an­lagt,“ sagði Marty Mak­ary, for­stjóri Mat­væla- og lyfja­eft­ir­lits Banda­ríkj­anna, í til­efni tíðind­anna og bætti við:

„Vit­andi að 10 pró­sent fólks 65 ára og eldra eru með Alzheimer, og að árið 2050 megi bú­ast við að sú tala tvö­fald­ist, er ég vongóður um að nýj­ar lækn­inga­vör­ur eins og þessi muni hjálpa sjúk­ling­um.“

Sem stend­ur eru tvö lyf samþykkt af Mat­væla- og lyfja­eft­ir­lit­inu til meðferðar við Alzheimer, leca­nem­ab og dona­nem­ab, sem bein­ast að amyloid-skell­um en rann­sókn­ir sýna að þau hægja lít­il­lega á vit­rænni hnign­un sjúk­linga þó að þau lækni ekki sjúk­dóm­inn.

Tals­menn þess­ara lyfja sem gef­in eru í æð, þar á meðal marg­ir tauga­lækn­ar, segja að þau geti veitt sjúk­ling­um nokkra viðbót­ar­mánuði af sjálf­stæði og eru lík­lega áhrifa­rík­ari því fyrr sem sjúk­ling­ar byrja að taka þau.

Prófið í sam­ræmi við skanna og vökv­agrein­ing

Í klín­ísk­um rann­sókn­um gaf blóðpruf­an sem samþykkt var í dag niður­stöður sem voru að mestu leyti í sam­ræmi við já­eindaskanna (PET) af heila og mænu­vökv­agrein­ingu.

Prófið er nú leyft til notk­un­ar í Banda­ríkj­un­um fyr­ir sjúk­linga sem sýna merki um vit­ræna hnign­un en niður­stöður verður að túlka sam­hliða öðrum klín­ísk­um upp­lýs­ing­um.

Alzheimer er al­geng­asta form heila­bil­un­ar. Sjúk­dóm­ur­inn versn­ar með tím­an­um og ræn­ir fólk smám sam­an minn­ing­um sín­um og sjálf­stæði.

• Blogga um frétt