Fyrirskipa Airbnb að fjarlægja eignir

Rík­is­stjórn Spán­ar hef­ur fyr­ir­skipað Airbnb að fjar­lægja 65.000 eign­ir af síðu sinni en að sögn spænskra yf­ir­valda eru eign­irn­ar aug­lýst­ar á ólög­mæt­an máta.

Spænska sam­steypu­stjórn­in sem sam­an­stend­ur af Sósí­al­ista­flokkn­um ásamt banda­lagi ým­issa flokka á vinstri vængn­um hef­ur lengi bar­ist gegn því að íbúðir séu aug­lýst­ar á Airbnb og hafa talið það skaða al­menna hús­næðismarkaðinn í land­inu. 

Pablo Bust­induy, spænsk­ur ráðherra neyt­enda­mála, hef­ur nú til­kynnt að Airbnb brjóti í bága við regl­ur um aug­lýs­ing­ar fast­eigna og seg­ir að hann hygg­ist bregðast við óreiðunni og lög­leys­unni sem þar fái að viðgang­ast, og nái þar með að efla aðgengi al­menn­ings að hús­næði.

94 millj­ón­ir ferðamanna

Aðeins Frakk­ar taka við meiri fjölda er­lendra ferðamanna en Spán­verj­ar á ári hverju en í fyrra sóttu 94 millj­ón­ir Spán­verja heim. Ferðaþjón­usta er því stærsti at­vinnu­veg­ur lands­ins. 

Ekki eru þó all­ir Spán­verj­ar sátt­ir við þann mikla fjölda er­lenda ferðamanna sem koma til lands­ins á ári hverju. Borg­ar­yf­ir­völd í Barcelona hafa meðal ann­ars gripið til rót­tækra aðgerða gegn er­lend­um ferðamönn­um og íbú­ar í borg­inni hafa gripið til mót­mæla.

Frétt af mbl.is

Komn­ir með nóg af ferðamönn­um í Barcelona

• Blogga um frétt