Kenía viðurkennir hlutdeild í mannráni

Ken­ía hef­ur viður­kennt hlut­deild í mann­ráni hins úg­anska Kizza Besigye. Mann­ránið var framið í Naíróbí, höfuðborg Ken­ía, í nóv­em­ber.

Nú fara fram rétt­ar­höld yfir Besigye þar sem hann er sakaður um landráð. 

Besigye var lengi lækn­ir for­seta Úganda, Yoweri Museveni, sem hef­ur stjórnað land­inu í hart­nær 40 ár. Besigye sner­ist gegn hon­um og bauð sig sjálf­ur fram til embætt­is for­seta.

Besigye skaut upp koll­in­um í Úganda nokkr­um dög­um eft­ir að mann­ránið átti sér stað. AFP/​Badru Kat­umba

Ut­an­rík­is­ráðherr­ann játaði aðild

Yf­ir­völd í Ken­ía höfðu lengi neitað að hafa tekið þátt í mann­rán­inu, en í sjón­varps­viðtali í gær­kvöldi játaði ut­an­rík­is­ráðherra Ken­ía, Musalia Muda­vadi, að landið hefði verið í sam­starfi við úgönsk stjórn­völd vegna mann­ráns­ins. „Úganda er vin­veitt þjóð. Hann (Besigye) var ekki að sækja um hæli. Hann kom ekki til að segj­ast ætla að sækja um hæli. Hefði hann sagt það hefði hann kannski fengið aðra meðferð,“ sagði Muda­vadi í sjón­varps­viðtali. 

Aðgerðarsinn­ar segja mann­ránið og rétt­ar­höld­in hluta af víðfeðmu niðurrifi lýðræðis í Afr­íku. Rétt­ar­höld eru einnig í gangi yfir tans­an­íska stjórn­ar­and­stæðings­ins Tundu Lissu vegna meints landráðs. Mörg dæmi eru um að aðgerðarsinn­ar hafi horfið spor­laust eft­ir að þarlend lög­regla hand­tók þá.

• Blogga um frétt