Sverð Napóleons selt á margar milljónir

Sverð sem til­heyrði Napó­leon Bónapar­te Frakka­keis­ara var selt fyr­ir tæp­lega 4,7 millj­ón­ir evra á upp­boði í Par­ís. Sölu­verðið er marg­falt hærra en upp­sett verð og nærri nýju met­verði fyr­ir grip sem var í eigu Napó­leons, að sögn upp­boðshúss­ins.

Sverðið var pantað sér­stak­lega til einka­nota fyr­ir Napó­leon árið 1802 og var það í eigu hans alla hans valdatíð. Var það selt á upp­boði fyr­ir 4,66 millj­ón­ir evra eða um 675 millj­ón­ir ís­lenskra króna í gær.

Áætlað var að sverðið færi á 700 þúsund til eina millj­ón evra. Loka­verðið sló næst­um upp­boðsmet fyr­ir Napó­leons­grip sem var sett árið 2007 þegar sverð sem keis­ar­inn notaði í orr­ust­unni við Mar­engó árið 1800 seld­ist á 4,8 millj­ón­ir evra.

„Sverðið bæt­ist í hóp verðmæt­ustu Napó­leons­gripa sem nokkru sinni hafa verið seld­ir á upp­boði,“ seg­ir upp­boðshúsið Drout.

Annað ein­tak, eins og þetta og einnig pantað af keis­ar­an­um, er geymt í Hermita­ge-safn­inu í Pét­urs­borg í Rússlandi. Minja­grip­ir frá Napó­leon eru reglu­lega til sölu á upp­boðum í Frakklandi.

Tvær skamm­byss­ur sem hann ætlaði sér að nota til að taka sitt eigið líf voru seld­ar í Frakklandi í júlí á sein­asta ári fyr­ir 1,7 millj­ón­ir evra.

Gyllt sverð Napó­leóns. AFP/​Stephane De Skaut­in

• Blogga um frétt