Frestar 50% tollum á ESB fram í júlí
Setja bókamerki
Donald Trump Bandaríkjaforseti hefur frestað 50% tollum á Evrópusambandið fram að 9. júlí. Tilkynnir hann þetta eftir að hafa spjallað við Ursulu von der Leyen, framkvæmdastjóra sambandsins, í síma fyrr í kvöld.
Viðræður hafa staið yfir undanfarnar vikur til að koma í veg fyrir allsherjar tollastríð milli Bandaríkjanna og ESB. Samþykkt hafði verið að fresta þeim tollum sem áður höfðu verið kynntir til 8. júní.
Trump þótti viðræður ganga hægt fyrir sig og hótaði á föstudag 50% tollum á allar vörur frá ESB sem myndu taka gildi 1. júní.
Í dag átti hann símtal með von der Leyen, sem sagði á samfélagsmiðlum að hún hafði óskað eftir því við Trump að hann frestaði tollum til 9. júlí.
Og það gerði Trump, en hann tilkynnti blaðamönnum nú í kvöld að tollum yrði frestað til 9. júlí, svo að frekari tími gæfist til viðræðna milli ESB og Bandaríkjanna. Á meðan eru þó í gildi 10% lágmarkstollar.
Fleiri hús frá víkingaöld á Íslandi
Trump tilkynnir vopnahlé
Páll stefnir RÚV út af byrlunarmálinu
Samfélagið í dvala vegna NATO-fundar
Ekki tilefni til mikillar bjartsýni fyrir fundinn
„Það er eitthvað að, það er eitthvað klikkað“