Volvo segir upp 3.000 manns

Sænski bíla­fram­leiðand­inn Volvo ætl­ar að fækka stöðugild­um og segja upp 3.000 manns. Fyr­ir­tækið greindi frá þessu í dag.

Ferlið er hluti í fyr­ir­ætl­un­um Volvo um að skera niður kostnað sem nem­ur rúm­lega 18 millj­örðum sænskra króna, eða sem nem­ur um 259 millj­örðum ís­lenskra króna.

Rúm­lega þriðjung­ur þess fólks sem miss­ir vinn­una starfar í Svíþjóð. Meiri­hluti þeirra er skrif­stofu­fólk og ráðgjaf­ar sem starfa fyr­ir Volvo. 

Toll­ar hafi áhrif

For­stjóri Volvo, Hak­an Samu­els­son, seg­ir þetta gert vegna erfiðra markaðsaðstæðna. Fyr­ir­tækið verði að hans sögn að aðlaga sig að breytt­um heimi sem sé „staðbundn­ari“ en áður. Þar vís­ar hann til tolla­stríðs Banda­ríkja­manna og Kína. 

Volvo hef­ur fundið fyr­ir ákvörðun Trumps um tolla, en þeir nema 25% á bíla sem þeir flytja til Banda­ríkj­anna. 

Fyr­ir­tækið greindi frá því í apríl að það hygðist auka fram­leiðslu bíla í Banda­ríkj­un­um.

• Blogga um frétt