Steve Rot­heram, borg­ar­stjóri í Li­verpool, seg­ir að enn séu fjór­ir al­var­lega slasaðir á sjúkra­húsi eft­ir að ökumaður ók bif­reið á hóp stuðnings­manna knatt­spyrnuliðsins Li­verpool í gær þar sem þúsund­ir stuðnings­manna Li­verpool söfnuðust sam­an til að fagna Eng­lands­meist­ara­titli liðsins.

Frétt af mbl.is

Ekki rann­sakað sem hryðju­verk: 27 flutt á spít­ala

BBC grein­ir frá. 27 voru lagðir inn á sjúkra­hús, þar af fjög­ur börn og er eitt þeirra al­var­lega slasað. At­vikið átti sér stað á Water Street í miðborg Li­verpool. Gat­an er enn lokuð þar sem lög­regl­an held­ur áfram að safna sönn­un­ar­gögn­um en 53 ára gam­all Breti var í gær hand­tek­inn vegna máls­ins.

Lög­reglu­yf­ir­völd telja að um ein­angrað at­vik hafi verið að ræða og að hann hafi einn staðið að verki. 

Frétt af mbl.is

Íslend­ing­ur í Li­verpool: „Við sáum eig­in­lega allt“

Borg­ar­stjór­inn seg­ir að eng­ar nýj­ar upp­lýs­ing­ar séu komn­ar fram hvað varðar rann­sókn máls­ins en verið sé að skoða hvernig bif­reiðin gat farið inn á lokaða götu.

Lög­reglu­menn hylja með upp­blásnu tjaldi, á bak við slökkviliðsbíl, tjöld­in sem af­marka vett­vang at­viks­ins á Water Street í gær. AFP

„Hug­ur okk­ar er hjá þeim slösuðu og þeim sem urðu vitni af þessu hræðilega at­viki,“ seg­ir hann.

„You'll Never Walk Alone“

Goðsögn­in Kenny Dal­glish sem bæði lék með Li­verpool og stýrði liðinu seg­ist vera í áfalli og sorg­mædd­ur vegna at­viks­ins. Í viðtali við BBC vís­ar hann í lag Li­verpool „You'll Never Walk Alone“, sem hann seg­ir aldrei hafa fund­ist meira viðeig­andi.

Frétt af mbl.is

Sá hand­tekni „hvít­ur Breti“ á sex­tugs­aldri

Í yf­ir­lýs­ingu frá Manchester United, erkióvin­um Li­verpool seg­ir: „Hug­ur okk­ar er hjá Li­verpool FC og Li­verpool borg eft­ir þetta hræðilega at­vik.“

„Fót­bolt­inn stend­ur sam­an með Li­verpool FC og öll­um aðdá­end­um fé­lags­ins í kjöl­far þessa skelfi­lega at­viks sem átti sér stað í sig­ur­hátíðinni,“ seg­ir Gi­anni In­fant­ino, for­seti FIFA, í yf­ir­lýs­ingu.

Tengd­ar frétt­ir

Ekið á hóp stuðnings­manna Li­verpool

Tal­inn hafa elt sjúkra­bíl inn á svæðið

• Telja mann­inn hafa verið und­ir áhrif­um fíkni­efna
• Klopp í áfalli og niður­brot­inn
• Ekki rann­sakað sem hryðju­verk: 27 flutt á spít­ala
• Íslend­ing­ur í Li­verpool: „Við sáum eig­in­lega allt“

» Fleiri tengd­ar frétt­ir

• Blogga um frétt