Segist hafa „elskað“ fórnarlömb sín

Hin ástr­alska Erin Patter­son seg­ist hafa „elskað“ fjöl­skyldu eig­in­manns síns sem hún er nú ákærð fyr­ir að hafa orðið að bana í júlí árið 2023 með eitruðum svepp­um í mat­ar­boði.

Skýrslu­taka lög­reglu af Patter­son, sem tek­in var upp í kjöl­far at­b­urðar­ins, var sýnd í dómsal í morg­un. Í skýrslu­tök­unni er hún beðin um að lýsa sam­bandi sínu við þau látnu.

Frétt af mbl.is

Átti í flóknu sam­bandi við fórn­ar­lömb­in

Í skýrslu­tök­unni seg­ist hún hafa elskað tengda­fjöl­skyldu sína og að sam­band þeirra hafi alltaf verið gott.

„Ég á enga aðra fjöl­skyldu, þau hafa alltaf verið góð við mig og ég hef reynt að viðhalda góðu sam­bandi við þau,“ seg­ir Patter­son.

Teiknuð mynd af Erin Patter­son við rétt­ar­höld­in. AFP

Var ekki í sam­bandi við eig­in­mann sinn

Patter­son var ekki í nánu sam­bandi við eig­in­mann sinn, Simon Patter­son, sem neitaði boði henn­ar í há­deg­is­mat­inn þar sem at­b­urður­inn átti sér stað. For­eldr­ar hans, þau Don og Gail, lét­ust ásamt föður­syst­ur hans, henni Heather Wilk­in­son, nokkr­um dög­um eft­ir að hafa borðað mat­inn í boðinu.

Frétt af mbl.is

Tal­in hafa eitrað fyr­ir fjöl­skyldu eig­in­manns­ins

Patter­son hef­ur einnig verið ákærð fyr­ir til­raun til mann­dráps en eig­inmaður Wilk­in­son lifði eitr­un­ina af eft­ir langa dvöl á sjúkra­húsi.

Patter­son hef­ur neitað allri sök í mál­inu og bú­ist er við að rétt­ar­höld­in standi í viku í viðbót.

Vin­ir og fjöl­skylda þeirra látnu mæta í dómsal. AFP/​Mart­in Keep

• Blogga um frétt