Hvetja háskóla til að taka við alþjóðlegum nemendum

Shigeru Ishiba, forsætisráðherra Japans.
Shigeru Ishiba, forsætisráðherra Japans. AFP/Jiji

Jap­anska rík­is­stjórn­in hef­ur hvatt há­skóla þar í landi til að taka á móti nem­end­um sem vísað verður frá Har­vard-há­skóla þar sem Don­ald Trump, Banda­ríkja­for­seti, hyggst setja lög sem meina er­lend­um nem­end­um að stunda nám við skól­ann.

Tos­hi­ko Abe, mennta­málaráðherra Jap­ans, sendi frá sér yf­ir­lýs­ingu á þriðju­dag þar sem hún biður jap­anska há­skóla að gera það sem þeir geta til að hjálpa nem­end­um sem verða fyr­ir barðinu á þess­um hindr­un­um banda­ríska rík­is­ins.

„Við höf­um beðið há­skóla um að skoða mögu­leg­ar aðgerðir, til dæm­is að taka við alþjóðleg­um nem­end­um sem skráðir eru í banda­ríska skóla svo þeir geti haldið námi sínu áfram,“ sagði Abe á blaðamanna­fundi.

Nemendur við Harvard-háskóla mótmæla áætlunum Donalds Trumps.
Nem­end­ur við Har­vard-há­skóla mót­mæla áætl­un­um Don­alds Trumps. AFP/​Rick Friedm­an

Nem­end­ur hafa áhyggj­ur

Hún seg­ir að Banda­rík­in séu einn vin­sæl­asti áfangastaður jap­anskra nem­enda sem vilja stunda nám er­lend­is og að marg­ir þeirra hafi lýst yfir áhyggj­um sín­um af mál­inu.

Hún bæt­ir svo við að ráðuneyti henn­ar muni „gera sitt allra ýtr­asta til að tryggja það að ungt fólk með metnað og hæfi­leika fái að halda námi sínu áfram“.

Harvard-háskóli. Ríkisstjórn Bandaríkjanna hyggst meina erlendum nemendum að stunda nám …
Har­vard-há­skóli. Rík­is­stjórn Banda­ríkj­anna hyggst meina er­lend­um nem­end­um að stunda nám við skól­ann. AFP/​Joseph Perzi­oso
mbl.is
Fleira áhugavert
Fleira áhugavert