Hálf milljón manna svipt lagalegum réttindum
Setja bókamerki
Hæstiréttur Bandaríkjanna hefur heimilað ríkisstjórn Trump að afturkalla lagaleg réttindi hundraða þúsunda innflytjenda frá Kúbu, Haítí, Níkaragva og Venesúela, í bili hið minnsta.
Ákvörðunin nær til 532.000 manns sem komu til Bandaríkjanna undir svokallaðri skilorðsáætlun fyrrum Bandaríkjaforsetans Joe Biden.
Skilorðsáætlunin heimilaði allt að 30.000 manns að koma til Bandaríkjanna á hverjum mánuði í tvö ár vegna bágrar stöðu mannréttinda í löndunum fjórum.
Hæstaréttardómarar mótmæla
Tveir dómara við réttinn, þær Ketanji B. Jackson og Sonia Sotomayor, skiluðu séráliti og vöruðu við „hroðalegum afleiðingum“ þess að snúa lífi hálfrar milljón manna á hvolf á meðan þeir bíða afgreiðslu á réttarkröfum sínum.
„Hæstiréttur hefur einfaldlega klúðrað mati sínu í dag,“ er haft eftir þeim.
Þær segja innflytjendurna eiga um tvennt að velja: að snúa aftur til heimalandsins og horfast í augu við þá hættu sem steðjar að þeim þar.
Hinn valkostinn segja þær „að dveljast áfram í Bandaríkjum og hætta á brottvísun,“ sem reynst hafi mörgum erfið og harkaleg lífsreynsla.
Tíðindin óvænt og vaxtalækkun ósennileg
Gervigreindarmyndbönd á íslensku vekja athygli
„Ég hef tröllatrú á þessu“
Lýsir miklum áhyggjum í bréfi til valkyrjanna
Leitar réttar síns eftir samskipti við SÍ
Franska konan útskrifuð af sjúkrahúsi
/frimg/1/57/83/1578342.jpg)
Ætla að vísa óléttri konu í hjólastól úr landi