Skipstjórinn neitar sök um manndráp

Rúss­nesk­ur skip­stjóri á sex­tugs­aldri neit­ar sök um mann­dráp af gá­leysi í tengsl­um við skipsskaða í Norður­sjó í mars sem olli mikl­um elds­voða.

Hinn 59 ára Vla­dimir Mot­in, frá Sankti Pét­urs­borg í Rússlandi, sótti dómsal­inn gegn­um fjar­fund­ar­búnað úr fang­elsi í dag. Hann neitaði sök fyr­ir dómi þar sem hann er ákærður fyr­ir mann­dráp af víta­verðu gá­leysi.

Solong, frakt­skip hans sem sigl­ir und­ir portú­gölsku flaggi, rakst á eldsneyt­is­flutn­inga­skipið Stena Immacula­te þann 10. mars en bæði skip stóðu í ljós­um log­um í rúm­an sól­ar­hring í kjöl­farið.

Frétt af mbl.is

Skip­stjór­inn ákærður fyr­ir mann­dráp

Stena Immacula­te var við akk­eri rúm­lega 20 kíló­metr­um aust­ur af höfn­inni í Hull í Norðaust­ur-Englandi þegar Solong rakst á skipið.

Einn úr áhöfn Solong, Mark Ang­elo Pernia, lést í árekstr­in­um og er Mot­in ákærður fyr­ir að bera ábyrgð á dauða hans. Auk þess var 36 mönn­um bjargað af skip­un­um. Einnig voru uppi áhyggj­ur um stór­fellt um­hverf­is­slys. Plast­högl fund­ust síðan í sjón­um dag­ana eft­ir slysið.

Málsmeðferðin held­ur áfram þann 10. sept­em­ber en rétt­ar­höld verða ekki fyrr en 12. janú­ar 2026.

• Blogga um frétt