Engin hætta fyrir íbúa að svo stöddu

Mik­ill ösku- og gasmökk­ur stíg­ur nú upp úr eld­fjall­inu Etnu á Ítal­íu, stærsta virka eld­fjalli Evr­ópu, en yf­ir­völd segja að eng­in hætta sé á ferð fyr­ir íbúa eins og er.

Mynd­ir sýna mikið grátt ský sem steig upp úr eld­fjall­inu á Sikiley um klukk­an 11:24 að staðar­tíma, sam­kvæmt Nati­onal Institu­te of Geop­h­ysics and Volcanology (INGV).

„Eft­ir­lits­mynda­vél­ar sýndu gjóskuflóð sem varð lík­lega til vegna hruns frá norður­hlið suðaust­ur-gígs­ins,“ sagði INGV. 

Gjóskuflóð á sér stað þegar eld­fjalla­grjót, aska og heitt gas streym­ir út frá eld­fjöll­um og eru þau afar hættu­leg.

Renato Schif­ani for­seti Sikileyj­ar­héraðs sagði að sér­fræðing­ar hefðu full­vissað hann um að eng­in hætta væri á ferð fyr­ir íbú­ana þar sem flóðið væri ekki farið yfir Valle del leo­ne, vin­sæl­an ferðamannastað. 

• Blogga um frétt