Skyndikosningar hafnar í Suður-Kóreu

Kjörstaðir hafa verið opnaðir í Suður-Kór­eu, en þar fara nú fram skyndi­for­seta­kosn­ing­ar, eft­ir að Yoon Suk-yeol var leyst­ur frá embætti í byrj­un apríl. 

Stjórn­laga­dóm­stóll komst að þeirri niður­stöðu að for­set­inn skyldi leyst­ur frá embætti eft­ir að hann setti á her­lög í land­inu 3. des­em­ber. Braut það gegn stjórn­ar­skrá lands­ins að mati dóm­stóls­ins. 

Þegar hef­ur þriðjung­ur kosn­inga­bærra manna í land­inu greitt at­kvæði utan­kjör­fund­ar. 

Frétt af mbl.is

For­set­inn leyst­ur úr embætti

Lee Jae-myung þykir lík­legri til að vinna kosn­ing­arn­ar. AFP/​Ant­hony Wallace

Niður­stöður skoðanakann­ana í Suður-Kór­eu gefa til kynna að Lee Jae-myung muni bera sig­ur úr být­um í kosn­ing­un­um. Hann mæl­ist nú með 49% fylgi, en hann býður sig fram fyr­ir Demó­krata­flokk­inn.

Kim Moon-soo, sem kem­ur úr röðum íhalds­flokks­ins PPP, mæl­ist með 35% fylgi í skoðana­könn­un­um. Yoon Suk-yeol var einnig í PPP. 

Kim Moon-soo býður sig fram fyr­ir PPP og mæl­ist með 35% fylgi í skoðana­könn­un­um. AFP/​Pedro Par­do

• Blogga um frétt