Ekkja Navalní stofnar stjónvarpsstöð

Júlía Navalnaja, ekkja rúss­neska stjórn­ar­and­stæðings­ins Al­ex­ei Navalní, hef­ur stofnað sjón­varps­stöð til að berj­ast gegn rúss­neskri rit­skoðun. Sjón­varps­stöðina, sem kall­ast Framtíð Rúss­lands, stofnaði hún ásamt frönsku sam­tök­un­um Blaðamenn án landa­mæra, RSF.

Stöðin hef­ur það að leiðarljósi að fjalla um mál­efni líðandi stund­ar í Rússlandi án rit­skoðunar stjórn­valda.

Stöðin mun senda út efni ókeyp­is í gegn­um gervi­hnatta­búnað RSF en uppistaðan í efni stöðvar­inn­ar verða mynd­skeið sem aðstand­end­ur og sam­starfs­menn Navalní hafa fram­leitt og sett á Youtu­be.

Fólk í Rússlandi hef­ur ekki greiðan aðgang að mynd­skeiðunum en Júlía sagði í Par­ís í dag að í Rússlandi væri „nán­ast full rit­skoðun í gangi.“ Hún sagði að stjórn­völd í Rússlandi reyni sitt besta til að koma í veg fyr­ir að Rúss­ar horfi á efnið á Youtu­be.

Í apríl fengu nokkr­ir blaðamenn þar í landi sex ára dóm fyr­ir að fjalla um Navalní. Hann lést í fang­elsi í norðan­verðu Rússlandi í fyrra.

Frétt af mbl.is

Sex ára fang­elsi vegna um­fjöll­un­ar um Navalní

Frétt af mbl.is

Al­ex­ei Navalní lát­inn

• Blogga um frétt