Lög­regl­an í Portúgal hóf í morg­un nýja leit að Madeleine McCann að beiðni þýsku lög­regl­unn­ar. Bú­ist er við að leit­in standi yfir fram á föstu­dag. 

Þýska lög­regl­an óskaði eft­ir leit­inni vegna rann­sókn­ar á Christian Bru­eckner sem er grunaður um að hafa myrt McCann.

McCann var í fríi með fjöl­skyldu sinni í Portúgal árið 2007 þegar hún hvarf spor­laust. Hún var þá aðeins þriggja ára göm­ul en ekki hef­ur spurst til henn­ar síðan. 

Christian Bru­eckner er grunaður um að hafa átt aðild að hvarfi Madeleine McCann. AFP

Þýsk yf­ir­völd sann­færð um aðild Bru­eckner

Bru­eckner afplán­ar nú sjö ára fang­els­is­dóm í Þýskalandi fyr­ir að hafa nauðgað banda­rískri konu árið 2005 en hann lýk­ur afplán­un sinni í sept­em­ber. Fyr­ir fimm árum sögðust þýsk yf­ir­völd sann­færð um að Bru­eckner ætti þátt í hvarfi McCann.

Eitt af því sem þýska lög­regl­an styður sig við er að farsími Bru­eckner var staðsett­ur ná­lægt því svæði sem fjöl­skylda McCann gisti í Portúgal. 

Sam­kvæmt þýsk­um fjöl­miðlum á Bru­eckner lang­an brota­fer­il að baki. Hann hef­ur m.a. verið dæmd­ur fyr­ir kyn­ferðis­brot, lík­ams­árás­ir og þjófnað. 

Tengd­ar frétt­ir

Madeleine McCann

Gæti losnað á næsta ári: Grunaður um hvarf „Maddie“

• Fella niður hand­töku­skip­un gegn Brückner
• Réttað yfir Bru­eckner í fe­brú­ar
• Biðjast af­sök­un­ar í máli Madeleine McCann
• Rann­saka hluti í tengsl­um við hvarfið á McCann

» Fleiri tengd­ar frétt­ir

• Blogga um frétt