Kallar eftir frekari refsiaðgerðum

Starfs­manna­stjóri Volodimírs Selenskí, for­seta Úkraínu, kallaði eft­ir frek­ari refsiaðgerðum Banda­ríkj­anna gegn Rúss­um á fundi með Marco Ru­bio, ut­an­rík­is­ráðherra Banda­ríkj­anna. Hann óskaði einnig eft­ir aukn­um stuðningi Banda­ríkj­anna við loft­varn­ir Úkraínu.

„Við rædd­um stöðuna á víg­vell­in­um og þörf­ina á því að efla loft­varn­astuðning við Úkraínu“ sagði Andriy Yermak, starfs­manna­stjóri Selenskís. „Refsiaðgerðir eru jafn­framt nauðsyn­leg­ar.“

Ræða stífari tolla

Í fyrra­dag ræddu þing­menn öld­unga­deild­ar Banda­ríkjaþings um að harðir toll­ar yrðu sett­ir á Rúss­land og aukatoll­ar yrðu sett­ir á þau ríki sem enn stunda viðskipti við Rúss­land.

John Thune, leiðtogi meiri­hluta öld­unga­deild­ar Banda­ríkjaþings, seg­ir umræður um tolla gegn Rúss­um í gangi. AFP/​Andrew Harnik

Leiðtogi meiri­hluta öld­unga­deild­ar­inn­ar, John Thune, sagði rík­is­stjórn Don­alds Trump enn von­ast eft­ir því að sátt ná­ist milli stríðandi fylk­inga, en öld­unga­deild­in sé reiðubú­in að hjálpa til við að þrýsta á rúss­nesk stjórn­völd.

• Blogga um frétt