Svíar semja við Eista um að taka við glæpamönnum

Sænsk og eist­nesk yf­ir­völd hafa skrifað und­ir sögu­leg­an samn­ing sem ber með sér að um 600 dæmd­ir glæpa­menn geti afplánað fang­els­is­dóma sína í Eistlandi.

Ulf Kristers­son for­sæt­is­ráðherra Svíþjóðar, lýs­ir sam­komu­lag­inu sem „sögu­legu.“

Mik­ill skort­ur er á fang­els­ispláss­um í Svíþjóð og leituðust sænsk yf­ir­völd eft­ir sam­starfi við eist­nesk yf­ir­völd í vor. Ber sam­komu­lagið með sér að Sví­ar munu leigja heilt fang­elsi í Tartu í Eistlandi und­ir fang­ana.

Ein­ung­is karl­menn verða vistaðir í fang­els­inu en bæði sænsk­ir og er­lend­ir rík­is­borg­ar­ar gætu verið vistaðir þar. Eist­nesk­ir rík­is­borg­ar­ar verða ekki flutt­ir í fang­elsið.

Aðeins fang­ar sem ekki eru tald­ir sér­stak­lega hættu­leg­ir verða send­ir þangað.

Eist­nesk lög, sænsk rétt­indi

Starfs­fólk í Tartu verður eist­neskt, en þeir munu geta talað ensku. Fang­ar munu einnig eiga rétt á túlkaþjón­ustu.

Þótt eist­nesk lög gildi inn­an fang­els­is­ins, verður tryggt að fang­arn­ir njóti sömu rétt­inda og í Svíþjóð, þar með tal­in rétt­indi tengd vinnu og virkni, heim­sókn­um og sam­skipt­um við um­heim­inn.

Sænska fang­els­is­mála­stofn­un­in mun einnig hafa starfs­fólk á staðnum til að aðstoða við þjálf­un eist­nesks starfs­fólks.

Sparnaður fyr­ir sænska ríkið

Gunn­ar Ström­mer, dóms­málaráðherra Svíþjóðar, seg­ir hvern fang­els­is­dóm sem afplánaður verður í Eistlandi kosta ríkið um 8.500 evr­ur á mánuði, en til­svar­andi kostnaður í Svíþjóð er um 11.500 evr­ur.

Samþykki þings­ins nauðsyn­legt

Til að samn­ing­ur­inn taki gildi þarf að fá þriggja fjórðu hluta samþykki í sænska þing­inu. Rík­is­stjórn­in og sam­starfs­flokk­ur henn­ar, Svíþjóðardemó­krat­ar, þurfa því stuðning Jafnaðarmanna, sem nú eru í stjórn­ar­and­stöðu, til að samn­ing­ur­inn verði að veru­leika.

• Blogga um frétt