Danir og Norðmenn í varnarsamstarf

Nýr sam­starfs­samn­ing­ur Dan­merk­ur og Nor­egs á sviði varn­ar­mála tek­ur gildi í dag, á þjóðhátíðar­degi Dan­merk­ur, og fel­ur auk ann­ars í sér þann mögu­leika að norsk­ar P-8 Poseidon-kaf­báta­leitarflug­vél­ar ann­ist eft­ir­lit með rúss­nesk­um kaf­bát­um við Græn­land sem lýt­ur danskri stjórn.

Sam­kvæmt nýja samn­ingn­um, sem raun­ar var boðaður á SAMAK-leiðtoga­fund­in­um í Ósló í önd­verðan mars­mánuð, munu grann­rík­in tvö eiga í sam­starfi um þjálf­un, heræf­ing­ar, kennslu, rekst­ur og viðhald í þágu nor­rænna varn­ar­mála.

Frétt af mbl.is

Dansk-norskt varn­ar­sam­starf rætt

Hans Mart­in Steiro, of­ursti og yf­ir­maður orr­ustuþotu­flota norska herflug­vall­ar­ins á Evenes, seg­ir við dönsku sjón­varps­stöðina TV2 að eng­inn vafi leiki á því að P-8-kaf­báta­leit­ar­vél­arn­ar ráði vel við það verk­efni að leita rúss­neskra kaf­báta á græn­lensku hafsvæði. Vél­ar þess­ar, sem í grunn­inn eru af Boeing-gerð, eru sér­út­bún­ar fyr­ir norska flug­her­inn til kaf­báta­leit­ar í Bar­ents­haf­inu norðan við landið.

Geti veikt norskt eft­ir­lit

„Það er rétt að Nor­eg­ur og Dan­mörk munu eiga í nán­ara sam­starfi um eft­ir­lit í norðri, en í smá­atriðum hef­ur sam­starfið ekki enn verið út­fært svo þau þurf­um við að ræða síðar,“ seg­ir Tore O. Sand­vik varn­ar­málaráðherra Nor­egs í sam­tali við norska rík­is­út­varpið NRK þar sem hann staðfest­ir til­vist nýja sam­komu­lags­ins.

Steiro of­ursti bend­ir á að sam­starfið geti orðið til þess að eft­ir­lit Norðmanna með rúss­nesk­um kaf­bát­um við strend­ur Nor­egs veikist. „Við höf­um akkúrat bol­magn til að leysa eig­in verk­efni svo ef ætl­un­in er að lána Dön­um vél­arn­ar mun það koma niður á okk­ar eig­in eft­ir­liti með Rúss­um í Bar­ents­hafi,“ seg­ir of­urst­inn.

Brynd­rek­ar og flug­skeyti

Þá til­kynntu norsk stjórn­völd um það í morg­un að þau hygðust, í sam­starfi við Eist­land, Finn­land, Litáen, Hol­land og Svíþjóð, kaupa fjölda nýrra CV90-bryn­vagna sem nýtt­ir eru til að flytja her­menn og ann­ast varn­ar­skot­hríð í bar­dög­um auk þess sem þeir nýt­ast til sjúkra­flutn­inga.

Að lok­um ligg­ur fyr­ir samn­ing­ur við Þjóðverja um kaup á JSM-flug­skeyt­um, sér­út­bún­um fyr­ir F-35-orr­ustuþotur Norðmanna, sem grandað geta vel vörðum skot­mörk­um á sjó og landi úr mik­illi fjar­lægð. And­virði samn­ings­efn­is­ins nem­ur 6,5 millj­örðum norskra króna, jafn­v­irði tæp­lega 82 millj­arða ís­lenskra króna.

NRK

TV2

• Blogga um frétt