Hindra sendingu hergagna í mótmælaskyni

Fransk­ir hafn­ar­starfs­menn í Marseille í Frakklandi hafa hindrað send­ingu her­gagna sem ætluð eru Ísra­els­her. Að sögn verka­lýðsfé­lags starfs­mann­anna er þetta gert í mót­mæla­skyni við aðgerðir Ísra­ela í Palestínu. 

Starfs­menn­irn­ir hafa neitað að hlaða köss­um af tengl­um sem notaðir eru til að auka hraða byssu­skota um borð í flutn­inga­skip sem ætlað er hern­um. 

Tengl­arn­ir eru litl­ir málm­hlut­ir sem notaðir eru til að tengja sam­an vél­byssu­kúl­ur og gera her­mönn­um kleift að skjóta hraðar úr byss­un­um. Til stóð að senda 19 vöru­bretti af tengl­un­um til hers­ins en þeir eru fram­leidd­ir af fyr­ir­tæk­inu Eurol­inks í Marseille. 

Christophe Cla­ret, leiðtogi hafn­ar­verk­mann­anna, sagði í sam­tali við AFP-frétta­stof­una að starfs­menn­irn­ir hafi fengið þær upp­lýs­ing­ar að hlaða ætti skipið með tengl­un­um í dag. Í kjöl­farið ákváðu starfs­menn­irn­ir að leita að tengl­un­um og koma þeim frá svo ekki var hægt að koma þeim til hers­ins. 

Benti Cla­ret á að eng­inn ann­ar gæti hlaðið skipið nema hafn­ar­verka­menn­irn­ir. 

• Blogga um frétt