Raun­veru­lega ástæðan fyr­ir því að skjöl er varða mál Jef­frey Ep­stein hafa ekki verið gerð op­in­ber er sú að nafn Don­ald Trump Banda­ríkja­for­seta er þar að finna. Þetta seg­ir Elon Musk, rík­asti maður heims, í færslu á sam­fé­lags­miðli sín­um X.

Ep­stein var sakaður um man­sal og kyn­ferðis­brot gagn­vart tug­um ungra stúlkna. Skjöl er varða mál hans og hverj­ir kunna að hafa tekið þátt í brot­um Ep­stein hafa ekki verið gerð op­in­ber.

Trump hef­ur sjálf­ur oft gagn­rýnt það að skjöl­in hafi ekki verið birt. 

Vinslit í Washingt­on

Það virðist vera sem að vináttu Trump og Musk sé lokið en Musk hætti ný­lega í starfi sínu inn­an DOGE, sér­stakr­ar stofn­un­ar með það hlut­verk að hagræða í rík­is­rekstri.

Frétt af mbl.is

Vinátt­an sögð hanga á bláþræði

Musk hef­ur op­in­ber­lega gagn­rýnt efna­hags­frum­varp Trumps, sem hann hef­ur kallað „viðbjóðslega and­styggð.“

Gömlu fé­lag­arn­ir skjóta nú föst­um skot­um hvor á ann­an á sam­fé­lags­miðlum.

Hluta­bréf­in hafa hríðfallið

Banda­ríkja­for­seti sagði fyrr í kvöld í sjón­vörpuðu innslagi frá skrif­stofu sinni að hann sé veru­lega ósatt­ur við gagn­rýni Musk. 

Hann hótaði jafn­framt að segja upp öll­um samn­ing­um sem Musk og fyr­ir­tæki hans hafa gert við banda­ríska ríkið.

Þetta hef­ur valdið því að hluta­bréf í Teslu, raf­bíla­fyr­ir­tæki Musk, hafa hríðfallið. Virði Teslu hef­ur fallið um 15 pró­sent, eða 100 millj­arða doll­ara, í kjöl­far yf­ir­lýs­inga for­set­ans.

Kansl­ari Þýska­lands er skyndi­lega orðinn áhorf­andi á fremsta bekk í erj­um Trump og Musk. AFP

Trump væri ekki for­seti án mín, seg­ir Musk

Trump og Musk gefa ekk­ert eft­ir þessa stund­ina í deil­um sín­um. 

Friedrich Merz, kansl­ari Þýska­lands er þessa stund­ina í op­in­berri heim­sókn í Hvíta hús­inu en Trump lét þau um­mæli falla í viðurvist kansl­ar­ans í sam­tali við blaðamenn vest­an­hafs að hann væri mjög von­svik­inn vegna umm­mæla Musk, en hann seg­ist hafa gert mikið fyr­ir Musk. 

Musk var hins­veg­ar fljót­ur að svara um­mæl­um for­set­ans á sam­fé­lags­miðlum. Hann seg­ir að Trump hefði tapað kosn­ing­un­um ef ekki hefði verið fyr­ir sína hjálp.

 Frétt­in hef­ur verið upp­færð

Tengd­ar frétt­ir

Don­ald Trump Banda­ríkja­for­seti

Ætlar ekki að líða áfram­hald­andi mál­sókn gegn Net­anja­hú

• Íran­ir svara Trump á sam­fé­lags­miðlum
• Seg­ist hafa bjargað lífi Khamenei
• Dómur­um óheim­ilt að stöðva til­skip­an­ir Trumps
• Ræddu kaup á banda­rísk­um loft­varn­ar­kerf­um

» Fleiri tengd­ar frétt­ir

• Blogga um frétt